
دايمون بشر بعد خلص: عشان تعرفي يا نازلي ما حتقدري تعملي شي، وكل خطأ حيكون مصيره أسوأ.
دايمون طلع وقفل الأنوار وقفل غرفة المعاناة، نازلي دموعها نزلت بانكسار، نزلت راسها والدم الفي وشها بقى يقع في هدومها وشعرها في وشها ودموعها بتنزل.
Flash back
كانو قاعدين في كفتريا الجامعة بياكلو، نازلي كانت بتعاين وبتاكل بحماس.
زينة بضحك: بت يا نازلي بتتشرقي.
نازلي والأكل في خشمها: ما ما قدرت أتكلم عشان الأكل.
زينة ضحكت فيها: طيب طيب كملي اللقمة.
نازلي كملت اللقمة وعاينت ليها بحماس.
نازلي: عرسك بعد أسبوع، ما قادرة أصدددق.
زينة: ولا أنا.
نازلي: أها أخوك ده جاي بتين، نفسي امشي السوق لو ما خالو مشغول كان سوقت عربيته.
زينة: نفسي أتعلم سواقة أنا زاتي يخخ بس مالك ونور وزين ومجد وليث ما بخلوني.
نازلي بضحك: وتزعلي لمن يقولو ليكي مدلعة، وما شاء الله شوفي وراك جيش، وأنا حتى الدنيا ما خلت لي أمي.
زينة عاينت ليها بحزن شديد وقلبها انكسر على صحبتها، وقبل ما ترد سمعو كلام البنات لمن بقولو مجد مالك في الجامعة.
زينة ونازلي النست حزنها وبقت تعاين بشمار وعاينت لي زينة.
نازلي: هو مش مجد مالك ده أخوكي.
زينة بضحك: أييواا.
نازلي ضحكت وهي شايفة بنات الجامعة بزدحمو، هي كانت عايزة تشوف هو منو، فجأة ظهرر وأخد قلب البنات بجيتو، نازلي عاينت ليه بإعجاب بعداك استغفرت ربها ومشت قعدت هي وزينة اتونسو، دقائق مجد جاء.
مجد بتعب: أخخخ زحو لي.
وقعد تحت ضحك زينة.
زينة بضحك: بقيت مشهور يا مجود.
مجد بعجرفة مميزة: أنا أصلاً مشهور يا ماما.
زينة ضحكت، ومجد قبل على نازلي وانصدم من جمالها الطبيعي وشعرها الطويل، نازلي خجلت لمن شافت نظراتو ليها.
زينة ببسمة: مجد دي نازلي صحبتي الحكيت ليك عنها، ونازلي ده مجد أخوي الكبير.
نازلي ببسمة: اتشرفنا.
مجد بابتسامة خطفت قلبها: لي الشرف يا نازلي.
Back
زكره عمرها ما حتنساها، بكت كالعادة واتمنت بس زول يتزكرها، اتمنت بس للأسف.
كلهم عاينو ليه منتظرين الكلام.
مالك بجدية: حأحكي ليكم كل شي في وقتو، أسي حأكيت ليكم البجاوب على أسئلتكم.
نور بغيظ وجنون من مالك: جاوووبت على شنو بالظبط؟؟ هاا اتكلم، يعني انتو حتجننوني، انت شااايف بتك كل يوم بتنهارر وعارف وساكت لحدي ما كانت تروح منك عشان ترتاح.
مالك: نوور، زيينه بتي زيي زيييك.
نور ببكاء: طيييب لييي يخخ وروني ليي زينه ليها سنتين ما شوفت بتبتسم زي الناس، أنا تعبت يا مالك تعبت.
مجد وزين عاينو لي أمهم بحزن وهم زاتهم تعبو، في جاءت نازلة.
مالك: في زينه صحت؟
في بحزن: عمو مالك لازم زينه تمشي دكتور نفسي، أنا أسفة إني بقول كدا بس هي محتاجة، هي قاعدة تهلوس.
مالك غمض عيونو بوجع، الخيار ده ما داير يصل ليه نهايي، مالك طلع خلاهم مشى غرفة زينة الكانت بتنوم بتعب ووشها كان شاحب، عاين ليها مسافة بحزن وطلع نزل تحت لقاهم ساكتين، طلع برا البيت، ليث كان عايز يمشي بوراه بس نور منعتو وطلعت لقتو قاعد في الجنينه سرحان في النجوم، جات قعدت جنبو.
نور: مالك أنا أسفة.
مالك عاين ليها باستغراب: أسفة على شنو يا نور؟
نور بزعل: انت مستحمل مسؤوليتنا كلنا وأنا جيت زدتها عليك بخوفي على زينة.
مالك ضماها عليه: أنا كمان خايف على زينة، أنا اتخيلت بعد تشوف زين صحته تتحسن على الأقل بس شكله لا.
نور: أسفة مالك أسفة بجد.
مالك بحنان: ما تعتزري حبيبي، انتي لولاك ما كنت حأقدر أقيف أسي.
نور ابتسمت ليه وختت راسها في كتفه بتعب وبتفكر في البيحصل وبتين ده كله حينتهي؟
صحت من النوم قامت بإرهاق، دخلت الحمام اتوضت وصلت، عاينت لي الساعة وبقت تتزكر الحصل شنو، اتزكرت كل شي عن زين الجاء وطلع عايش، غمضت عيونها بوجع.
غيرت ملابسها لبست هودي أسود وبنطلون الهودي وعملت شعرها كعكة فوضوية ونزلت خصلتين، رغم ملامح الإرهاق الفي وشها بس كان طالعة حلوة، نزلت لقيتهم بتونسو كلهم، عاينت لي زين ما قادرة تصدق إنه حي، قطع تفكيره وتفكيرهم كلهم دخول نور ومالك وهم شافوها.
نور: زيينه انتي صحيتي؟
ليث ومجد وزين مشو اتجاهه زينة، عاينت ليهم بعداك عاينت لي أمها.
زينة ببسمة تحاول تتطمنه بيها: أيوا يا ماما.
نور بخوف وقلق: ما نمشي نفحص بعد ده يا بتي.
زينة وهي شايفة نظرات راجلها وأخوانها اتجاهه، زينة عاينت ليهم وزحت عيونها، هي كانت لسه حاسة فيها دوخة بس اتجاهلتو.
زينة ببسمة: ما تخافي نور، أنا كويسة بس أسي وين ود وفي عايزة أتونس معاهم.
مالك وليث ومجد وزين عرفو إنها زعلانة منهم.
مالك: زينة يا بتي.
زينة عاينت لي مالك بزعل منه ومشت منهم تحت أنظارهم الحزينة اتجاهها، زين غمض عيونو بتعب من تومتو، نفسه يقتل دايمون أسي.
ليث بعصبية: لازمم دايمون ده يتقتل يا مالك لازمم.
مالك بهدو مخيف: مجد وليث حتمشو بكره تبدأ تراقبو البت لحدي ما تلقو فرصة.
مجد: طيب ولو لقينا نطلعه؟
مالك: طلعوها لكن ما تجيبوها البيت هنا أبداً.
مجد: طيب.
زين: وزينة؟
كلهم عاينو ليه ما عارفين يعملو مع زينة شنو.
نور بحزن: لازم نبدأ يا جماعة، هي محتاجة دكتور نفسي حالياً.
ليث حس روحو بتموت من الوجع عشان زينة.
زين: أنا عاوز أختي، أنا ما عاوز شي تاني.
مجد حضنو والكل كان تفكيره في حتة واحدة والهو زينة.
كانت قاعدة في وضعيتها حتى بعد ما دايمون ضربها ودمها الأباء يقيف، حست حياتها حتروح هنا، ما قدرت تسعد في حياتها، كأنه الحياة بتقول ليها ما حتفرحي.
نازلي بتعب وهي بتعاين في الغرفة، دقائق فتح ليها زول الباب وخت ليها أكل وموية وجاء فتح ليها يدها وطلع وقفل الباب، بس الباب فتح وشكله ما قفلو زي الناس.
