كانت قاعدة قدام المراية، كانت سرحانة وبتظبط في شعرها الكيرلي، دخلت أختها.
(في): ود ما خلصتي لحدي أسي مالك؟
ود: حاضر حأخلص أسي، انتي بس قولي مشتاقة تلاقي حبيب القلب.
(في) عاينت ليها واتزكرت حبيب قلبها البتحبو من هي صغيرة.
ود غمزت ليها: أها شايفة كلامي صح؟
(في) ضحكت فيها، وود ملامحها اتحولت لي حزن.
ود بحزن ودموعها بتنزل واتزكرت راجلها: الله يرحمك ويغفر ليك يا زين.
(في) عاينت ليها بحزن، حست بالحزن تجاهها، مرت سنتين من رحيل زين ما فتحت قلبها لزول تاني رغم اتقدمو ليها كل الشباب، قطع تفكيرها صوت دخول.
سحر بغيظ: ده حالتو، قولنا ليكم تلبسو قبليها بساعة، المرة الجاية نقول ليكم قبليها بخمسة يوم؟
(في) ضحكت في أمها حتى ود.
ود غمزت لي أمها: شنو يا سحور خلاص قربنا.
سحر وهي بتتحرك برا الغرفة: سرعة سرعة، خلوني الحق ود ليث ده قبل ما يتغزل مع البت زينة دي.
ود و(في) انفقعو ضحك في أمهم، وود خلصت من التسريحة برضاها من نفسها، كانت عملت حبشيتين وعملت ميكاب سنبل، عاينت لي الصورة بتاعتها هي وزين، ابتسمت بحزن، وطلعو هي و(في) لقو أبوهم وأمهم بتونسو.
ود بهظار: أوه سحور قاعدة تخلطي.
سحر عاينت ليها وفلقت أقرب شبشب، ود اتخطتو وضحكت، وطلعت هي و(في) عشان ينتظروهم في العربية، سحر عاينت لي راجلها بحزن.
سحر: حسام، ما بعد ده لازم نتكلم معاها بموضوع الزواج، شوف هي في الجامعة لسه لكن ممكن تعرس قبليها كمان.
حسام بحزن على بتو: ما عارف والله أعمل شنو، حأكلم مالك يحاول يتكلم معاها إن شاء الله ترضى ليه.
سحر هزت راسها وطلعو وركبو العربية واتحركو ناحية فيلا نور ومالك، وده كله تحت أنظار شخص لابس قناع.
زينة خلصت لبسها، لبست ليها فستان وردي خفيف وعملت شعرها كعكة فوضوية وعملت ليها إيلاينر وكحل وعملت غلوس، عاينت لنفسها بالمراية كانت راضية عن نفسها، مشت صحت ليث ونزلت عشان تساعد أمها.
نور: كويس إنك نزلتي يا زينة، امشي صحي أخوك ده عزبني.
زينة بابتسامة خبيثة: حاضر يا نووور.
نور ببسمة وهي عارفة بتها حتسوي شنو، وفعلاً زينة ما خيبت ظنها، مشت جابت ليها تلجة واتحركت على غرفته ببط وبتعاين ليه بخبث وهي شايفة قالع قميصو ومرتاح، قررت ترمي تلجة لو قرر يسكها تكون عندها فرصة للجري، وفعلاً رمتها.
مجد: واييي بارررد ده شنو؟
زينة انفقعت ضحك فيه، ومجد عاين ليها وزينة عاينت ليه ببسمة هبلة.
زينة: شوف يا مجود دي نور قالت لي أصحييك، فعشان…
وقفت كلامها وهي شايفة جاي عليها.
زينة وهي بتجري: يا مالكككك الحقني ولدك جن عديييل، وبقت تجري وراها مجد.
مجد بغيظ: أنا البرضو الجنيت يا زينة، والله ما في زول ينجيك مني حتى لو جاء ليث زاتو، وعلى سيرة ليث جاء نازل وشاف دراما كل يوم دي.
ليث بتعب: احيه تعبتوني معاكم.
مالك نزل ولا اشتغل بالمسرحية، القاعدة تحت مسك نور من يدها وطلعه معاهم، زينة شافتهم.
زينة بصراخ: طيب ساعدني بعدين امشي اخلطط يرضيك الود مجد يعلقني يا مالك.
ليث استسلم منهم وقف قدامه هي ومجد.
مجد بغيظ: زح يا ليث خليني أخلص البشرية منها.
زينة من ورا ضهر ليث وهي بتمد ليه لسانها: نو ما حتخلص مني لأني قاعدة على قلبك يا مجود يا قلبي.
وقبل ما تتم غزلها لقت ليث قبل عليها ورفع حاجبه وبعاين ليها بغيرة.
زينة وهي بتبلع ريقها: شنو يا ليوث انت التوب.
ليث وهو بشيله: أنا لازم أقطع لسانك ده عشان ما تتغازلي بي راجل غيري.
وقبل ما هي ترد أو زول يرد سمعو صوت من وراه.
: مسكتكك يا قليل الأدب، كان قلبي حاااسسسس.
ود من وراها وهي بتضحك: تم القبضضض يا ليث.
زينة عاينت لي غيث البعاين لي سحر بغيظ.
سحر مشت لي وزحت زينة ومسكته: البت دي بتلزمني، ارح يا ود و(في) نمشي نقبض نور من الود مالك برضو.
ود قبل ما تمشي عاينت لي مجد بخبث: شنو يا مجود ما عارف في ناس جاين ولا شنو؟
مجد غمز ليها وبضحك: ود يا ماما انتي شوفتي أسوأ من كدا، يعني حبكت علي أطلع بدون قميص.
ود ضحكت: صح صح، مرة شوفتك لابس الهدوم بالقلبة، ومرة بتغازل في نور، ومرة بتغازل في زينة، ومرة بتغازل في البت الجابت ليك الدليفري، ومرة لقيتكك بشورت وفنيلة عادي عادي.
وانفجرت ضحك وهي بتتحرك مع في فوق، ومجد بعاين لي ود بغيظ وهو بشير ليها: البت دي لازم تنقرض دي، أسرارها كلها معاها.
ومشى على غرفته أثناء ما هو ماشي لقى مالك نازل بهدو، هو دخل غرفته ومالك نزل سلم على حسام بترحيب وقعدو يتونسو سوا، حسام قرر يفاتحو في موضوع ود، وقبل ما يبدأ جاء مجد سلم عليه وقعد هو وليث.
حسام: مالك، ود دي ما راضية تعرس لسه، قافلة قلبها على زين، ما عارف أعمل ليها شنو.
مجد: والعرسان الجوها ديل ما في زول نفع.
حسام بحزن: هي ما عايزة وما اتكلمت مع زول، هي بترفض بس ما عايزة غير زين.
مالك بألم وحزن: ما عارف أسوي شنو، وزينة برضو بتحلم بأحلام عن زين كتير من وقت الأخذ.
ليث غمض عيونو بحزن على حاله مرتو.
سحر جات نازلة وبوراها زينة البتضحك وود البتضحك.
ود بضحك: اصبري يا حجة سحر دقيقة نتفاهم بس.
حسام بضحك: منو الزعل مرتي.
وقبل ما في زول يرد على حسام سحر طلعت وزينة وود بوراها، نور جات نازلة بسرعة.
مجد باستغراب: ماما في شنو.
نور: الحق سحر حتمشي تجيب رقية من شعرها.
ليث: لي عملت شنو.
نور: هي ما عملت شنو.
طلعو كلهم دايرين يكتشفو، في عربية نزلت طلع منها تلاتة أنفار.
سامر (عم زينة ومجد) باستغراب: مالك في شنو.
(في) قلبها بقى يدق بسرعة وهي شايفة حبيب قلبها مويد وهو نازل ولابس سماعاته، ابتسم ليها لمن شافها بتعاين ليه، انصدمت وخجلت، وقبل ما في زول يتكلم سمعو سحر بتدق في البت.
مجد بصدمة: حسسام الحق مرتك يا عمي، ده شنو حتقتل المرة.
وزينة البتحاول تفك سحر من رقية، ود من الجهة التاني وهي ما قادرة تصدق أمها ماشة تدق المرة عشان اتغزلت في مالك بدل ما نور تعصب.
زينة: يا سحر خلاص حبيبتي ماما ما هاجت قدر ده.
نور بضحك: خلوها خلوها ترجع لي حقي، أختي المززة ما بترضى فيني.
نبيلة مرت سامر: بت يا نور في شنو.
نور بتغمز ليها: خلاف قديم بس حبيت ارجعو.
مالك عاين لي نور ببسمة وهو فهم نور عايزة ترجع حقها لمن اتغزلت فيه قبل أسبوعين والموضوع انتهى بس نار نور ما هدت.
ليث مشى شال زينة من سحر عشان ما تنضرب، سحر تقول حست بيه.
سحر: انت يا ولد مش قولت ليك بوجودي ما تهبشه.
ليث: سحر يا ماما دي مرتي.
سحر: مرتك مرت الجيران ما تهبش، تعالي يا بت يا زينة خلينا ناخد حق أمك العبيطة دي.
ود من الضحك وقعت في الأرض، وسحر كانت عايزة تمشي بس حست بزول بمسكه.
حسام: خلاص يا سحر خلاص المرة حتموت في يدك.
سحر بغيظ: اصبر يا حسام في حتة ما هبشته دقيقة بس.
حسام ساقه بالقوة وكلهم دخلو، زينة قعدت في أول كرسي وبقت تتزكر وضحكت وكلهم انضمو ليها.
(في) كانت بتعاين ليه وهو بقرا في كتاب وما شغال في الموضوع كله، حست بزول بقرصها.
(في): ااااي يا ماما في شنو يا سحر.
سحر بغيظ: انتي يا بت اتقلي شوية.
(في) عاينت ليها وسكتت.
نور: يلا يا جماعة الأكل جاهز، واتغيرت الجو وبقى كل زول بتكلم مع التاني، مالك كان بعاين ليهم بحب وحزن على ولدو، كان نفسه يكون معاه.
نور حست بيه ومسكت يده بزعل وهو عاين ليها بحب وزعل، حس دموعو داير تنزل بس نور مسحت ليه، وقبل ما في زول يرد.
سحر: نووور بطلو قلة أدب، حتى في الأكل قلة أدب، ياخي معقولة دي قلة أدب دي.
ود بضحك: يا سحر.
سحر بقرف مصطنع: بلا سحر قال.
مجد: شنو يا سحور شفتي أنا مطيع كيف.
سحر بخبث: أيوا وعشان مطيع، رأيك شنو انت وود تعرسو بعض.
ود ومجد عاينو لبعض: لاااااااااا.
كلهم انفقعو ضحك عليهم، وزينة كانت بتراقب بحزن، ليث انتبه ليها لتلفونها عشان سحر ما تقبضهم، زينة فعلاً مسكت تلفونها لمن لقت رسالة من ليث.
ليث في الرسالة: مالك؟
زينة بحزن: اشتقت لي زين، كان هو سبب سعادة اللمة دي.
ليث عاين ليها بحنان، فجأة لقى راس محشور في التلفون بتاع قبل لقاها سحر بتاعين ليهم بخبث.
ليث: يعني حتى التلفون ما حتخليني أخلط.
سحر بخبث: اللمة الجاية التلفونات ممنوعة.
ليث: سحححر.
سحر بضحك: شنو أنا بصفي الجو من قلة الأدب.
كلهم ضحكو في سحر، مهما كانت عمايله كانت ماخدة حتة من قلبهم كلهم.
مرة يوم بعد الاجتماع العائلي صحى بصوت تلفونو، عاين لي الرسالة بغموض، فجأة حس بزول بخت يدو في كتفو.
نور: في حاجة يا مالك؟
مالك: الرئيس طلب اجتماع ضروري معانا.
نور باستغراب: أسي؟
مالك هز ليها راسه، عاين ليها وباسها في راسها.
مالك: نمشي الاجتماع ونطلع برانا لأنو لينا زمن ما طلعنا يا نور.
نور ببسمة وهي شايفة بطلع ليه في هدوم، دخل استحمى وهو بفكر في الحيحصل ولي سبب الاجتماع المفاجئ ده، خلص استحمامو صلى ولبس بدلة سودا وجهز قناع، شوي صحى مجد وبعداك صحى ليث.
جو طالعين كلهم وزينة كانت لسه شبه نائمة.
زينة وهي بتدعك في عيونها: هو ده شنو في شنو؟
ليث: بجد يا مالك.
مجد: نفسي يوم أرتاح تعبت.
مالك بهدو: ده اجتماع طارئ، لمن نصل نشوف دير شنو.
زينة بتعاين ليهم بخوف، دائماً شغلهم ده جايب ليها خوف بسبب الحصل لي زين، غمضت عيونها بوجع.
مالك: البسو سريع حجهز العربية.
ليث ومجد هزو ليه راسهم ومشو يتجهزو، مالك كان شايف القلق الفي عيونهم حضنهم عليه.
مالك: شنو يا حلوين مالكم مقلقين كدا.
زينة بخوف: بابا أنا ما عايزة انتقام، أنا عايزاكم انتو تكونو كويسين.
مالك وهو ببوس راسها: ما تخافي يا زينة، كل شي حيكون تمام، انتي خلي الخوف زينو، انتي بت الأسود يا زينة، ما مفروض تخافي، مفروض هم يخافو منك.
زينة بحزن: أنا ما خايفة من زول، أنا خايفة عليكم يا مالك، حاسة.
مالك وهو بضمه عليها وبشوف في نور البتعاين ليه بقلق: إن شاء الله حنرجع نتلمى وحترجع حياتنا زي الأول، بس بعد ما أجيب انتقام زين، يا زينة أنا ما حرتاح إلا أجيب انتقام لي زين.
: شنو يا مالك خليتك عشرة دقائق بس.
مالك وزينة رفعو راسهم ولقوه ليث البعاين ليهم بغيظ، مشى زح زينة من حضن أبوها لي حضنو.
مالك: نفسي تقتنع إنها بتي يا دراجون.
ليث: ونفسي تقتنع إنها هي زوجتي يا شيطان.
وقبل ما في زول يرد شافو مجد دخل بيناتهم بزهج.
مجد: طيب طيب، زينة بتك يا شيطان وزوجتك يا دراجون، خلونا نخلص.
فعلاً طلعو من البيت بعد ما ادو توصياتهم لي نور وزينة وبعاينو لي الحراس الفي فيلتهم، كان فيه قريب الخمسين حارس عشان يحرسهم.
ركبو العربية وانطلقو.
ليث ببرود وهو بجهز قناعو عشان يلبسو: أسي عمران طالبنا لي شنو، ما بحب الاجتماعات المفاجية دي.
مجد بنعاس: صدقت يا ليث بس ينتظر الصباح على الأقل.
مالك وهو بعاين في الطريق بغموض: شكله رد دايمون حيكون وصلنا.
مجد بغيظ: دايمون ده.
ليث عاين لي مالك الكان بعاين لي الشارع بغموض، أخدو طريق طويل لحدي ما وصلو مبنى المخابرات، طلعو وهم مقنعين وكلهم شايفنهم ومنو ما عارفين، الأسود أعظم فريق مخابرات لكن ما في زول عارف شكلهم الحقيقي ولا حياتهم.
وصلو غرفة الاجتماعات ودخلو، لقو عمران واقف وبعاين في الشاشة بغموض.
مالك: حصل شنو يا عمران.
عمران: الاسم دايمون ده بدا فيه تخططات ما كنا متوقعنها، ناوي يقلب بيته كله محل للأدوات عشان عارف نحن ما حنقدر نخش ليه.
مجد: ولي ما نقدر؟
عمران بتعب: البيت ده عشان تخشو ليه في مليون مصيبة فيه، زي المسابقة من يفضل حي وهو عمل كدا.
ليث ببرود: طيب نحن لازم نسوي شنو؟
عمران: حتحاول تخشو البيت ده وتسرقو الأداة الهو مدسيها في البيت قبل ما يطورو ويبقى عامل في طريقنا.
مالك: طيب يا عمران حنتصرف.
عمران قبل على مالك: شيطان، اعرف شي واحد، رحلة انتقامك دي لازم تكون بعقل، عارف الموضوع موجع بالنسبة ليك، رحيل الفهد.
مالك: ارح حنبدأ نشوف حنعمل شنو.
وطلعو بهيبة كالعادة، الناس كلها بتعاين ليهم.
مالك ركب في جنب السواق المرة دي وليث البسوق.
ليث: حنعمل شنو؟
مالك: أول شي حنامن العائلة، يعني ما نور وزينة بس، حتى حسام وعائلتو وسامر وعائلتو لازم يتأمنو قبل ما نعمل أي شي.
ليث هز راسه: نمشي وين أسي.
مالك: وديني الشقة يا ليث.
ليث بصدمة: انت عارف نحن ما مفروض نمشي الشقة دي إلا لي الضرورة يا مالك.
مالك: لازم أحميه يا ليث، لازم.
ليث: مالك، حالياً نفكر بعقل، نشوف ديل حنامنهم وين، بعداك نمشي الشقة.
مالك عاين لي ليث بتردد، ما عارف يفكر كيف ولا بشنو، بس كله عايز يتأمن وما يحصل ليهم حاجة.
مالك بغموض: حنامنهم تحت الأرض.
ليث: كيف؟
مالك بغموض: حنامنهم في مختبر مجد، ما في زول بقدر يصلهم.
مجد: متأكد يا بابا؟ أنا خايف مختبري ده زاتو يكونو عارفنو.
مالك: حتأمن المختبر ده وبزيادة، وبعدين ما في زول عارف إنه المختبر تحت الأرض، حالياً حتأمنو وتتأكد من كل شي وتبعد الأداة لي غرفة التخزين وتجهز مكان ليهم، عشان دايمون ده ما مضمون، ممكن يغدر بينا في أي لحظة.
مجد سكت، كلام أبوه صح، لازم يتصرفو كدا ولازم يضمنو روحهم وعائلتهم من دايمون ده.
ليث بهدو: يعني نرجع البيت أسي.
مالك: ارح ارجع، أنا حأتصل على حسام وسامي أجيبهم البيت.
ليث بهدو هز راسه واتحركو على البيت، ثواني بس دخلو لقو الناس كلها قاعدة والقلق في وشهم.
سامر: مالك في شنو ولي ضروري نجي ونلم عفشنا كمان.
حسام بقلق: في شنو يا مالك.
مالك بهدوء: كلكم حتمشو تقعدو في المختبر بتاع مجد تحت البيت.
عاينو ليه بصدمة.
زينة: بابا كيف يعني.
مالك بهدو: دايمون بقى خطير علينا كلنا، لحدي ما ننتهي من موضوعو حتكون قاعدين تحت، وما في زول حيطلع إلا لمن أنا أو مجد أو ليث يكونو قاعدين.
سحر: طيب وأشغال الرجال.
ليث: تتقلب أونلاين، لأنو كل واحد فيكم معرض لي الخطر وبالذات…
وغمض عيونو بوجع من الفكرة.
نور فهمه نظرتو: قصدك زينة في خطر يا ليث، لسه في خطر، ما حسيبوها.
نور بخوف من فكرة إنه زينة تكون في خطر.
مجد وصوت جدي وصوتو يعلن عن نفاذ صبر زيتريكس: ما في واحد فيهم حيتجراء يقرب من أختي.
مالك بغضب جحيمي: زينة حتكون تحت رقابتكم كلكم، ما تخلو زينة براها حتى لو البيت التحت آمن.
زينة عاينت ليهم كلهم بخوف وودت عيونها لي مجد الكان جدي وملامحو اتغيرت من المرح لي الغضب وكان سارح، زينة مشت ليه.
زينة ببسمة عكس الخوف الجواها: مجود.
مجد طلع من سرحتو ولقى أختو الكانت بتعاين ليه بقلق، حضنه عليه: عيون مجود انتي يا زينة.
زينة: حنتخطى ده كله سوا، ما تقلق عشاني يا مجد، انت ركز في مهمتك.
مجد ببسمة وهو ببوس راسها: حاضر يا زينو، الموضوع ما سهل لكن حنخلصو بإذن الله.
كلهم كانو بعاينو لي مجد ومالك وليث.
مالك: يلا كلكم جهزتو حاجاتكم.
ود بمرح تحاول تخفف التوتر: يسلااام، كلنا حنقعد مع بعض، ده حلم ولا علم.
كلهم عاينو ليها ببلاهة وضحكو فيها.
ود بتغمز ليهم: أيوا بقى اضحكو اضحكو، ما تعيشونا كئابة، ناقصين نحن معاك ود حسام ما حتخلي زول تعيس.
ضحكو فيها، فعلاً ود كانت زي أمها واحد سبب سعادة البيت، وكانت هي وزين وسحر لو شافو زعلان ما بخلوه.
مالك: زينة نور يلا جهزو شنطكم عشان ننزل.
حسام: هو وين المختبر ده؟
مالك ببسمة: تحت البيت.
كلهم عاينو ليه بصدمة والكل كان خايف من الأيامات الجاية.
كانت بتوضب في شنطتها وبالها مشغول بالحيحصل، خايفة واحد فيهم يتأذى أو يسيبها، فجأة حست بيد بتتخت في خصرها وبتقبله عليه، منو غيرو حبيب قلبها وزوجها.
ليث بقلق وهو بخت يدو في وشها: زينة كويسة انتي؟
زينة تقول كانت منتظرة كلامك، انفجرت من البكاء، الخوف بقت تبكي وليث بعاين ليها بصدمة وصوت بكاها كسر قلبو، حاول يهديها بس ما قدر، طلع من الأوضة بسرعة وقلبو حيقيف، لقى البيت كله واقف تحت.
ليث بخوف: وددد تعالي بسسسرعة، زينة دخلت في نوبة بكاء.
ما في زول استوعب لحدي ما لقو مجد ومالك بطلعو بسرعة وراهم، ود لقو زينة كانت بتبكي في الأرض، مشت ليها بسرعة حاولت تخليها تقيف بس الماضي كان أكبر من إنو زول يحاول يوقف بكائها.
نور جات وهي بتبكي على بتها البتعاني كل يوم لمدة سنتين، ومالك براقب انهيار بتو بسكات.
وكبرت رغبة الانتقام في مالك ومجد، حاول يمشي يهديها هو وليث لكن كان الحل الوحيد كان مهدي، في جات ادت ود المهدي وادوها لي زينة، نور عاينت لي بتها البدت تهدأ من البكاء.