
مجد وهو بعاين لي نازلي المستكينة في حضنو ورافعة ترفع راسها لي ليث.
مجد بوجع: الحقيير خاطفها في وقت أخذ زينة، عارف إنه نحن ما حنشك بييه.
ليث بصدمة وجع على وجعو، وكيف ما يحس وهو أكتر زول فاهمه بعد الحصل لي زينة، ركبو العربية بسكات ومجد بقى حاضن نازلي عليه، ونازلي نامت لأول مرة بهدو بدون خوف واستكانة.
حس بموية باردة فتح عيونو لقى مالك وزين بعاين ليه بأكتر بسمة ما مفهومة لكن مخيفة، بلع ريقو حسس إنه دي نهايتو.
مالك ببسمة: أخوي الخائن.
سامر: عايز شنو يا ما.
وقبل ما يرد حس بضربة في رجلو لدرجة وقع بالكرسي، مالك نزل ليه ورفع راسه بقوة.
مالك بشر: اسمي ما بقولو إلا القريبين، وانت نزلت من القائمة ديي يا سامررر.
سامر عاين ليه بخوف، مهما عملو نفسهم ما خائفين من الشيطان لكن جواهم حيموتو من الرعب، لأنو اسم الشيطان عنده ما اسم ساي.
مالك برعب: اتكلممم وقوول قولت شنو عننا لي دايمون.
سامر: مستحي.
مالك بغضب: سامــــــــــــــر اتكلـــــــم.
سامر عاين ليه بخوف ورفض برضو يتكلم، كان مالك هو ممكن يقتلو، دايمون حيعمل شنو.
زين: حتتكلم ولا أديييك حقنة ما بنديها إلا لي أغلى أعدانا.
سامر: حقنا شنو؟
زين بخبث: أممم حقنا كدا بتخلي جسمك كلو يولع من الألم، ممكن تقول زي موية النار بس أسوأ منها.
سامر عاين ليه بخووف ورعب حقيقي، واتزكر كلام دايمون (حتى لو حتقتل ما تتكلم، لأنه لو اتكلمت ما في زول حنجيك مني يا سامر)، سامر عاين ليهم وسكت.
زين: برضو ما عايز تتكلم يا عمي العزيز.
مالك ببرود: أديه الحقنة يا زين.
زين ببسمة: تامر يا شيطان.
ومشه جاب الحقنة وجهزه تحت أنظار سامر المرعوبة، وزين بجهز في الحقنة ومع كل حركة قلب سامر بقع، وكيف ما يقع وهو عارف تأثير الحقنة دي.
زين بتفكير: شيطان نديه 10 مل ولا 20 مل.
سامر وشو شحب بطريقة مبالغة.
مالك ببسمة: أديه العشرين مل.
سامر بصراخ: زحو منيييييي.
زين خلص الحقنة وعاين ليه بملامح ما مفهومة.
مالك: نزح منك لي انت كنت ماشي تاخد بتي.
سامر بخووف: عليييكم الله زحوو مني.
زين بسخرية: يعني انت بتعرف الله.
مالك ببرود: اتكلم أو تاخد الحقنة يا سامرر.
سامر: أنا أخوك يا مالك.
مالك بغضب: والانت عاوز كنت تاخدها دي بتيي، وانت أكتر زول مفروض تكون عارف زينة عانت شنو مع داييمون، أنا أكتر زول ما بثق فالناسسس غير عائلتي، أمنتك بتي الصغيييرة، عملت شنووو؟
سامر بسكا.
مالك بغضب: عمــــــلت شـــنوووو.
سامر حس بالزنب وهو بعاين لي مالك ومالك بعاين ليه بغضب ومسك من رقبتو وبقى يخنق فيييه.
مالك بغضب جحيمي معلن إنه البتكلم ده ما هو إلا الشيطان: اتكـــــلم.
سامر وهو بتخنق: دايمون عارف إنه زيينه نقطة ضعفك انت وودراجون وزيتريكس والفهد، عشان كدا داير يقتله.
مالك بغضب: قبل سنتييين لمن زيين اتخطفو انت الورييت دايمون مكانهم؟
سامر وهو بحاول يتنفس ومالك عيونو قلبت أحمر من الغضب.
سامر بخوف وروحه خلاص حتطلع: أيي أنا الوريته، أنا الوريته مكان زيينه.
وصلو الفيلا بعد ساعتين سواقة، مجد ما نزل، عيونو من نازلي النائمة، رجع رفع ليها الطاقية ونزل وبراحة شالها، وليث بعاين ليه بحزن.
دخلو جوا لقو الكل سرحانين وكانو شايلين هم، عاينو ليهم بحزن.
مجد: ود.
ود رفعت راسها وكلهم برضو، نور باستغراب منو الشايله مجد.
نور: مجد دي منو.
مجد بتنهد وجابو على حضنو زيادة وما كان ديره يفكها ولا قادر يتكلم، فجأة سمع صوت أبو.
مالك: مجد دي منو وفي شنو؟
قبل لقى أبوه وزين وكانو جاين من البادروم، نازلي صحت من الأصوات الجنبها، رفعت راسها لي مجد خوفاً.
مجد بهدو عكس الجواه: دي نازلي مرتي.
كلهم عاينو ليه بصدمة وما في واحد قرر يتكلم إلا سمعو صوتها كان في السلم.
زينة بصدمة: نازلي؟
زينة ركزت عينها على جسم نازلي رغم ما واضح فيه شي، بس واضح من رجلها الظاهرة إنها تعرضت على عزاب شديد، زينة نزلت ليها ومشت جهة مجد البعاين بجهة نازلي، زينة لمن شافت وشها المليان جروح.
زينة بصدمة: نازلي نازلي الحصل ليكي شنو.
نازلي أشرت لي مجد ينزله، عاين ليها بخوف عليها، نزلها براحة تحت أنظار الكل المصدومة من شكلها والضرب الواضح في وشها.
نازلي ببسمة جازفت إنه تبتسم: زينة.
زينة بدموع: نازلي وين كنتي، ودي شنو الجروح الفي وشك دي.
نازلي ببسمة مكسورة ما ردت عليها، ما عارفة تقول شنو.
زينة وهي بتخت يدها في كتف نازلي، الدموعة ابتدت تنزل.
نازلي ببسمة تحاول تخفي مرارة حلقها: أنا كنت مأخوذة عند دايمون من وقت أخذك انتي.
زيينة عاينت وشها شحب بطريقة مبالغة، حست رجلها ما شايلاها، كانت حتقع بس ليث مسكه بسرعة ورعب.
ليث بخوف: بسم الله عليكي.
مالك عاين ليها بحزن، معقولة هم ما شكو إنها ممكن تكون مع دايمون، مشى ليها.
مالك بحب: نازلي نورتينا تاني، العائلة بدونك ما حلوة.
نازلي ببسمة: بنورك عمو مالك.
مالك بهظار: شنو، من متين الاحترام ده يا ناز.
مالك عاين لي مجد اللقاهو بس عيونو عليها ولا مركز معاهم.
مالك: ود حبيبتي سوقي نازلي انتي وزينة وساعدوها تعالج جروحها.
ود: حاضر.
ومشت نازلي مع ود وزينة تحت أنظار مجد الابتزك منها، نور قلقت على مجد الكان هادي بطريقة مرعبة.
نور ببسمة لي مجد: مجد حبيبي مالك كدا.
مجد ببسمة حاول يطمن بيها نور: ما تخافي يا ماما بس تعبان شوية، حطلع الجنينه وانتظر ود وزينة يساعدوها.
وطلع تحت أنظار الكل الحزينة، مالك مشى الجنينه لقاه متكي راسه في الكرسي وبعاين في السماء، قعد جنبو.
مالك بهدو: الموضوع صعب عارف.
مجد بكسرة: أنا أنا انت ما شوفته رامينها كييف، حرام عليه، أنا كنت بفتش فيها سنتين، القاها معاه ومعزبها، خايف أسمع منها الحصل شنو زاته.
مالك بضمه عليه: وعد انتقم ليك منهم انت ونازلي يا ولدي، وعد مني، انت بس خليك جنبها، هي محتاجاك.
مجد: أنا كمان محتاجه.
مالك ببسمة: احمد ربك إنك قدرت تلقاها.
مجد: حمد لله يارب.
في غرفة زينة كانو قاعدين، زينة بتستشور لي نازلي شعرها عشان ينشف وود بتعالج في جرحه، وفي بتعاين ليهم بس وما في زول بيتكلم احتراماً لي نازلي المرت بيه، قطع سكوتهم صوت الباب.
زينة: اتفضل.
مجد دخل وعاين ليها وهي رفعت راسها، رغم الجروح المالية وشها بس كانت جمييلة، جماله كان الجروح زادته جمال.
مجد: خلصتو؟
ود: أيوا خلاص، عقمت ليها جرحها كله بس أعمق جرح وشكله جديد بتاع راسها.
مجد عاين ليه راسها الملفوف بشاش، جات نور داخلة.
نور: يلا يا بنات ارح الأكل، مجد ونازلي خليت البت تودي ليكم الأكل في غرفتكم.
نازلي نزلت راسها ومجد شكر أمه، نازلي قامت وطلعت وبوراه مجد لحدي ما مجد وراها الغرفة، دخلو الغرفة وكان السكوت سيد المكان.
نازلي كانت بتعاين ليه الغرفة كلها ما عدا وشه، هي ما خجلانة منو بس خايفة يسألها عن الحصل فالسنتين ديل.
مجد: نازلي.
نازلي وقفت تتلفت وعاينت في الأرض، فجأة حست بي يدو بترفع راسها، عاينت ليه.
مجد وهو بلمس جروحها: بتوجعك؟
نازلي عاينت ليه ولي الألم الفي عيونو: تو ما واجعاني.
مجد: بس واجعاني أنا.
نازلي عاينت ليه بصدمة، مجد دموعو نزلت: اعفي لي نازلي، اعفي لي حبيبتي، إني ما جيتك إلا أسي، اعفي لي حبيبتي، أنا كنت بموت في بعدك، بموت وبسال نفسي مشيتي ويين، اعفي ليي.
نازلي دموعها نزلت وهي شايفة دموعو المن قبيل بيحاول يخبيها عنها.
نازلي: أنا ما زعلانة مجد، بالعكس فرحانة إنك جيت لي، شوفتك رجعت روحي، بعد قولت خلاص ما في أمل أطلع من المكان داك.
نازلي رمت روحها في حضنو: وحشتني يا مجد وحشتني بجد، ما عارفة قدرت أقضي حياتي كييف فالسنتين ديل.
مجد وهو بضمها بقوة كانه خائف تمشي وتخليه تاني.
مجد: وأنا كل يوم بموت من شوقي لييك، كل يوم بكون نفسي القاك، كل يوم بحلم بيكي، وبقيت على الأقل ربع شوقي بشبع منه فالحلم، ما قادر أصدق إني لقيتك نازلي، أوعدك وعد مني حيندم على كل شي عملو.
نازلي: أنا ما عايزة انتقام، أنا عايزاك انت مجدي.
