
ليث: طيب.
مالك: يلا امشو ارتاحو لحدي بعدين.
وقامو فعلاً اتحركو كل زول لغرفه.
زين دخل غرفته لقى ود سرحانة وبتعاين في الشباك ومغطية روحها بشال، منظر يسلب الروح، ابتسم وحضنها من ورا وبقى ضهرها في صدرو ويدو في وسطها.
زين ببسمة وهمس: حبيبي سرحان في شنو غيري؟
ود ببسمة: ما سرحانة بس كنت بفكر في البيحصل، ما توقعت سامر ده يكون كلب كدا.
زين بغيظ وغيره: ما تجيبي سييرتو.
ود عاينت ليه وانفجررت من الضحك لمن دمعت وهي شايفة بغير.
ود بضحك: حبيبي الغييور.
زين ببسمة وهو بقربه منو: أغيار، ما انتي حقتي ولا كيف يا ودي؟
ود ببسمة: صح حقك براك.
زين ابتسم ليها.
زين: ما نفسك تنوميني في حضنك لأني تعبان.
ود ابتسمت ورقدت في السرير ومدت ليه يدها، وفعلاً رقد في حضنها، وفي دقائق حتى نام في حضنه، وود بقت تلعب ليه بشعرو مبتسمة وحمدت ربها إنه هو لسه عائش.
جاء بليل وهم كانو قاعدين بعاينو وبراقبو بالقصر بتاعو، وكل من ليث ومجد في حتة مختلفة، سمعو صوت مالك بتكلم.
مالك: ما طلع؟
ليث: لسه، نحن نتأمل إنه ما يسوق البت معاه.
مالك: إن شاء الله.
وقفلو على كدا، ليث بقى يراقب في الوضع ومتدسي، ما في زول كان حاول يعرفو، ومجد بهناك بفكر في الطرق الحخشو بيها القصر.
بعد عشرة دقائق جاء طالع براه، يعني البت ما حياخده معاه، راقبو وهو بيركب عربيته وبتحرك برا القصر لحدي ما اختفاء من عيونهم، ادوه زي ربع ساعة اتأكدو إنه ما حجي، والاتنين دخلو باحترافية لي القصر بدون ما زول ينتبه ليهم.
ليث بهدو في السماعة: مجد انت امشي غرفتو، مالك قال إنه غرفة المعاناة بتاعتو.
مجد بسخرية: اشمعنا أنا.
ليث ببرود: ايمكن لأنك بتاع إلكترونيات.
مجد: صح منطق، واتحرك على غرفة دايمون لقاه مليان حراس، عاين لي الشباك مد راسه لقى تحت ما في حراس، والمسافة بين الشباك ده وشباك غرفة دايمون خطوتين لحدي ما دخل غرفة دايمون بعد ما اتأكد ما في أي إلكترونيات ممكن تكشف عنو، بقى يفتش في الغرفة لحدي ما لقى المكان القال عنه مالك وبظهر محل الباسورد تكتب فيه.
جراهو وفعلاً طلع محل الباسورد وفتح ساعتو وعمل ليها نسخ وثانية وجاته الباسورد، وقبل ما يكتبو سمع صوت زول حخش، قفل البتاع بتاع الباسورد
جراهو وفعلاً طلع محل الباسورد وفتح ساعتو وعمل ليها نسخ وثانية وجاته الباسورد، وقبل ما يكتبو سمع صوت زول حخش، قفل البتاع بتاع الباسورد وأدسه بورا الستارة وراقب الزول الدخل، كان شايل صينية وعمل باسورد، فجأة ظهر غرفة وفيه سلم نزل فيه، بعد نزل الباب قفل.
مجد بسخرية: طلعت ما هين يا دايمون يا حقيير.
صحت من النوم بسبب فتح الباب، فتحت عيونها لقت الراجل جاب ليها صينية، حمدت ربها إنه ده ما دايمون، ما ناقصه، هي ختت ليها الصينية وقفل الباب وطلع.
نازلي مشت على الأكل، كانت جعانة وحتموت من العطش، بقت تاكل، فجأة سمعت صوت الغرفة بتفتح، أكيد ده دايمون، داير يطين عيشته أكتر من ما هو مطينه، عاينت لي الصينية بخبث، زحت الصحن والموية الفيها وشالت الصينية وانتظرت جنب الباب، ثواني سمعت الباب داير يفتح، وبعد فتح داير تضرب الفاتح بي الصينية لكن هو استوعب بسرعة ورجع جسمها لي ورا بسرعة وبسرعة شال الصينية وخلى نازلي في الحيط.
نازلي غمضت عينها عارفة إنه دايمون حيضربها لكن السكوت حيرها، فتحت عيونها وانصدمت من الشايفة، أما هو مصدوم وبشدة إنها هي هنا وهو البفتش عليها في سنتين، ونازلي ما مصدقة هو عايش، يعني دايمون كذب عليها، شكرت ربها إنه كذب عليها.
أما مجد الصدمة كانت مالية وشو، ونازلي زاته رغم إنه القناع ما ظاهر منو شي لكن عرفتو، أكيد حتعرفو، ده حبيب قلبها وأول زول حبتو.
مجد بعاين في جروح نازلي القتلتو حرفياً وبعاين ليها بصدمة، هي طلعت مأخوذة وهو كان قايل مشت خلتو.
مجد دموعو نزلت: نازلي؟
نازلي دموعه بتنزل: مجددد.
عاين ليها بصدمة ما قادر يستوعب إنه هي قدامه، أما نازلي قوتها كلها انتهت بعد شوفته وانفقعت من البكاء معلناً عن العزاب الشافتو، وقعت في الأرض من البكاء والوجع، كل حتة في جسمها واجعة.
مجد بعاين بعدم تصديق، هو بقول إنه مستحيل.
مجد بعدم تصديق: انتي كنتي مأخوذة؟
نازلي ما سمعتو بس سمحت لنفسها إنها تخش في حالة انهيار، مجد عاين ليها وطوالي حضنه عليه، ما مصدق البحصل، ما مصدق إنه فتش كل حتة إلا هنا، ما مصدق الهي عانتو بدون ما يعرف.
ما مصدق إنه صدق إنها مشت وخلتووو.
Flash back
دخل الغرفة وهو معصب منها وعاين ليها بنظرة بتخوف، نازلي خافت أول مرة تشوف كدا.
مجد بعصبية: ممكن أفهـــــم العملـــــتيي دي يا نازليي.
نازلي خافت وصدمة لمن سمعتو بقول اسمها، عمره كله ما بقول اسمها.
ناززلي بخوف: مجد أنا مشيت عشان.
مجد بعصبية: مشيتي عشان شنووو هااا اتكلمييي عشان شنو.
نازلي دموعها بتنزل: عشان زيينه، عشان نعرف وين مكانه.
مجد بعصبية: كنا حنعرف.
نازلي بعصبية: حتعرفو كيييف، زيينه مأخوذة ليها سنة وانتو ما قادرين تلقوها.
مجددد بعصبية وهو بكسر كل شي قدامه: انتي قايلانا مرتاحيين، ابوووي الماشي انهار، أمي الانهارت من زمان، وزين المات، وزييينه الي لينا سنة بنفتش فيييها، خلي أبوي شبه جن وأنا أختييي ما لاقينها وأخوي مات، وانتي عايييزه تزيييديها علي يا نازلي.
نازلي عاينت ليه ودموعه نزلت.
مجد: عايييزه تمشي لي عمك المتعاون مع دايمون عشان تقول ليه يورينا مكان زيينه، يعني انتي متوقعة إنه حيقول؟؟؟
نازلي بدموع وجسمها بترجف من الخوف ونبرة مجد خوفتها زيادة.
مجد عاين ليها.
مجد وهو داير يطلع: أقسم بالله تطلعي من البيت ده تاني يا نازلي، حأحبسك.
وطلع وقفل الغرفة عليه، نازلي بقت تبكي وما في زول فيهم انتبه لي العيون البتراقبهم من بعيييد.
Back
مجد عيونه قلبت أحمرر من البكاء وهو ضاميها عليه، سمع صوت ليث في السماعة.
ليث: زيتريكس سامعني، لازم تطلع، ولو البت كويسة وثقت بيها حاول تطلعه، لأنو بعد ده دايمون برجع.
مجد بعاين لي نازلي: حساب دايمون كبر شديد يا ليث، أديني دقايق وبجيك.
ليث باستغراب من نبرته: انت كويس.
مجد بحزن: كويس كويس.
وقفل السماعة، عاين لي نازلي الاستكانت في حضنو الاتحرمت منه سنتين.
مجد بحنان: ناز حبيبي، رأيك شنو نطلع من هنا، أنا ما قادر أصدق إني لقيتك.
نازلي عاينت ليه بمشاعر متعددة وأولها إنه هي اشتاقت وبشدة لي دلعه ده، واشتاقت لي كلمة حبيبي منو.
نازلي بخوف: بس لو عرفني.
مجد بحنان مقاطعة: اششش ناز، ما حأخليه يهبشك تانيي، أسي خلينا نطلع من هنا.
نازلي عاينت ليه وهزت ليه راسها موافقة.
مجد طلع جكتو وختاهو فيها وبعداك خت جبهتو في جبهتت.
مجد ودموعو بتنزل: الحمدلله إني لقيتك، أسف ناز، أسف إني ما كنت عارف إنك هنا، والله لو كنت عارف كان جيتك من أول يوم.
نازلي بدموع: المهم انت جيت، المهم إنك عائش وإنه الحقير ده ما عمل ليك شي، على الأقل انتظارس ما طلع على الفاضي، أنا خفت أموت قبل ما أقول ليك انت أول وآخر راجل حبيتو وحأحبو وحأعشقو.
مجد بخوف: بعد الشر عنك حبيبي، ما تقولي كدا، أنا يا الله فالسنتين ديل كنت عائش، والله منت عائش بجسم بدون روح، وأخيراً رجعتي يا روحي، أوعدك ما أسيبك لحظة بس نخلص من دايمون ده وكل شي حيرجع طبيعي.
نازلي نزلت راسها في حضنو وهو شاله، بعد خته طاقية الجكت الجلد بتاعو فيه راسه، خت قنابل صغيرة بتاع غاز في الغرفة وبرا وطلع وهو شايل نازلي، كانه ماسك زجاج، وكيف لا وهي زجاج وخائف يعمل ليها أي شي تنكسر منو.
طلع بعد صعوبة من القصر ومشو اتجاه العربية، ليث انصدم لمن لقى مجد شايل زول.
ليث بصدمة: زيتريكس دي منو.
مجد: نازلي.
ليث بصدمة: مرتكك.
