منوعات

قصة بنت الاسود

د.

مجد: ود معلش قومي ديرين نقضي قعدة أخوية.

ود ضحكت فيه وقامت مشت قعدت جنب نازلي، وكان الوضع كالاتي: زين في النص وزينة بجهة ومجد بجهة.

مجد: زيين خلي زينة في النص.

وفعلاً بدلوه وزينة بقت في النص، زين حضنه من جهة ومجد من جهة.

سحر باستغراب: يعني انتو عاملين القومة والقعدة دي عشان كدا.

مجد هز راسه وليث عاين ليه بغيظ: حأصبر لأنو لو قتلتك انت والزفت التاني زينة حتزعل.

زين ومجد عاينو لي بعض وانفقعو من الضحك، وانضمو ليهم العائلة كلها، مالك بقى يعاين ليهم بحب، فجأة قطع أصوات الضحك ده صوت جرس الباب.

زيين بغيظ: عايزين نقعد يوم بس، تقول المصائب تجينا من حيث لا تشتهي الريح.

مجد: أخو أخو ما تدخل الجمل في بعض.

زين بضحك: والله نسيت، حسيت الجملة جايه.

ود ضحكت فيه، مالك قام مشى لي الباب ابتسم لي الزائر ودخل هو والزائر، كلهم عاينو ليه باستغراب ما عدا الأسود.

نور باستغراب: مالك ده منو؟

زيين بخبث: أوه جاسوسنا العزيز.

ود باستغراب: جاسوس؟

الراجل قلع القناع بتاعو وظهرت الصدمة، وفي كانت أول زول ينصدم.

في بصدمة: مووويد؟

ليث ببسمة: نورت نوورت يا موييد.

مويد بابتسامة: بنورك يا أبو الليوث.

وضمو بعض وبعداك سلم على مالك وزين ومجد.

والباقي بعاين ليهم باستغراب.

زينة: بعد إذنكم يعني لو ما بنقاطع يعني في شنو والحاصل شنو ومويد جاسوس.

زين ببسمة: حوريييكم كل شي، كملو أكلكم.

كلهم عاينو لي بعض باستغراب بس رجعو ياكلو بساكت، بعد خلصو اتلمو في الصالة كلهم.

مويد: طيب أنا حبدأ.

كلهم عاينو ليه.

مويد: أنا كنت عارف أبوي كان جاسوس من وقت أخذ زينة.

كلهم عاينو ليه بصدمة.

مويد: الوقت داك ما كنت عارف أمي كانت عميلة مع دايمون برضو، لمن اتخطفت زينة سمعتو بتكلم مع دايمون وبوريهم الحاصل في البيت شنو، أنا طوالي مشيت لي مالك وريتو.

في: انت لكن ديل أهلك.

مويد ببسمة خطفت قلب في: للأسف ديل أهلي، لكن مهما عملو هم وللأسف كانو السبب في أخذ زينة وزين الوقت داك.

نور بصدمة من البتسمعو.

مويد بتكملة: وريت مالك ومالك قال لي أوريه بكل تحركاتهم، وفعلاً بديت أعرف كل خطواتهم وكل البخططو ليه فالسنتين ديل، لحدي ما اكتشفو إنه زين حي، أبوي أو سامر كان داير يوري دايمون الوقت داك لكن ما لقى طريقة.

زينة باستغراب: كيف عرفت؟

مويد: شوفته وسمعتو بتكلم مع أمي يوم رجعت ليكم وبقول ليها لازم دايمون يعرف إني حي، ولكن قبل ما يتكلم حصل الضرب داك، وحمد لله إنه حصل لأنو لولا استعجال دايمون كان حيعرف إنه الفهد عائش، بعد ما حصل الضرب أنا وريت زين إنه أبوي كان حياخد زينة، فلبس قناعو وجاك، وعشان ما يشكو فيني اطريت أتشاكل مع زين واطريت أخد أمي بعيد منكم، لأنو وجودها مع زينة كان حيكون خطر على زينة، وفعلاً سوقتها وقيدتها، وأسي هي في البادروم جبتها امبارح.

ليث ببسمة: عرفتك.

موييد بضحك: خوفت ساعتك دي تقول إنس خائن والقاء الضرب موجه لي.

ليث ضحك فيه وضماه عليه.

مالك: العملتو ده ما حنسى ليك يا موييد.

مويد بحب: معقول يا عمي، هم أهلي الغلطو وأنا ماشي فالصح، الحمدلله حتى ولو كانو أهلي.

في عاينت ليه ببسمة وجواها مشاعرها ملخبطبة وبشدة اتجاهو، حبها الأول من هي وصغيرة، حست بي يد بتتخت في يدها، عاينت لقتها ود، الهي عارفة إنها حست بيها وبي مشاعرها الملخبطبة.

ود كانت أختها الكبيرة وكاتمة أسرارها وصحبتها وهي التوجهه من الصح والغلط.

ود ببسمة وهمس: يا بت نزلي عينك قبل ما سحر تلقط عينك دي.

في انفجرت من الضحك، فعلاً نزلت عينها قبل ما أمها تنتبه ليها.

مالك: اسمعوني كلكم.

كلهم عاينو ليه باستغراب، مالك عاين ليهم بغموض والقرار الأخدو أسي وهو بفكر.

مالك: نازلي انتي كويسة وجروحك ما بتوجعك؟

نازلي باستغراب: أيوا حتى إنها بدت تروح.

مالك: وجرح راسك؟

نازلي: كويس.

مالك: زينة ونازلي وود وفي، من الليلة كل واحدة فيكم راجلها حيعلمها القتال ومدافعة عن نفسها، وفي انتي حيعلمك زيين برضو، حنصحى كلنا الصباح وحنبدأ أنا والباقي نعلمكم.

ليث عاين لي مالك وبدأ يفهم هو بعمل كدا لي.

نازلي عاينت لي مجد الابتسم ليها بسمة مطمنة ليها.

زينة باستغراب: بس لي.

مالك: ما عايزين نكرر غلطة زمان، لازم كل واحدة فيكم تتعلم كيف تدافع عن نفسها في وقت لا قدر الله نكون ما في أو استغلونا، دايمون ده ما ساهل.

زينة ونازلي عاينو ليه بخوف، هم أكتر اتنين عارفين بالموضوع ده.

مالك: مويد انت حتحاول تخش لينا كاميرات فيلتو.

نازلي: بس ده صعب.

كلهم عاينو ليها ومجد غمض عيونو بوجع إنه مرته تكون بتعرف عن المكان.

مالك: كيف صعب.

نازلي: دايمون ده عنده تلاتة طوابق كل طابق أخطر من التاني.

ليث باستغراب: ولي عامل كدا.

نازلي: ما عارفة لكن العارفة هو مخبي حاجة ما في زول عارفها غيرو، عشان كدا مويد ما حقدر يدخل لي الكاميرات لأنو ما في كاميرات ولا أصلاً عامل حمايتو في الطوابق التلاتة.

مالك بغموض: ده سرر لازم نعرفه يمكن تكون نقطة ضعفه.

زين: وحنصل ليه كيف؟

مالك: ما عارف لحدي ما أعرف كييف، ونشوف الوضع ده حتكون المهمة كالاتي: ليث ومجد حيمشو يركبو كاميرات في محل مكان مراقبتنا دايماً، ومويد حيقعد يراقب الوضع، والبنات حتبدو معاهم تدريب من بكره، ما الليلة.

مالك بجدية: أنا وزيين أول شي حنعمل تحقيق مع نبيلة وسامرر، وبعداك حنعمل أجهزة مراقبة وإنذارات جديدة فالبيت، لحدي الوقت ده ولحدي ما نخلص عايز الكل بس يكونو مع بعض زي ما قولت المرة الفاتت.

كلهم هزء ليه راسهم بهدو، زينة عاينت ليهم كلهم بهدوء.

نور بتطلعهم من الجو المشحون ده: يلا يا بنات نطلع فوق نتونس نخلي الرجال هنا لأنو تاني ما حتكونو فاضيين.

ود بضحك: يسلااام، حنتدرب، ده حلمي من زمان أتعلم الكانفو.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى