
زين عاين ليها بغباء: كانفو؟ وبعديين حبيبتي انتي ده حلمك بجد؟
ود عاينت ليه وهزت راسها ببسمة، حسام عاين ليه حلم بتو باستغراب.
حسام لزين: أنا كلمتك قبل ما تعقد عليها، البت دي مجنونة نصحتك كتير.
زين ضحك وغمز لي ود: أحلى مجنونة في حياتي.
ود بخجل مزيف: أخجل أخجل.
كلهم ضحكو فيها، وفعلاً البنات طلعو وبقو الرجال.
ليث وهو شايف سرحان مالك: بتفكر في شنو يا شيطان؟
مالك: بفكر أشوف عمران يتصرف لينا في مكان نامن فيه العائلة بعد ده، هدو دايمون ده ما عاجبني بالمرة.
كلهم عاينو ليه بسكات وكلهم عارفين خوف مالك لأنو فعلاً سكوت دايمون يعني مصيبة أكبر من القبلها.
قبل ما نبدأ ما تنسو التصويت.
كان لابسين أقنعتهم وقاعدين فالعربية وبعاينو لي القصر من بعييد، ليث وهو بفتح السماعة عشان يكلم م.
ليث بهدو: شيطان، ده جاب أجهزة جديدة وحراس جدد.
مالك بهدو: ما بتقدرو تجربو تحاول إن شاء الله شجرة واحدة؟
مجد: ما أعتقد، ده خاتي ناس قدام الشجرة برضو.
مالك: خلاص ارجعو، نحن حانتصرف، لازم القصر ده نعرف فيه شنو.
مجد وليث: طيب راجعين.
وقفلو الاتصال، ليث ومجد عاينو لآخر مرة قبل ما يرجعو ألبيت.
نزلو التلاتة لي البادروم لقوهم مربطين ولا حياة لمن تنادي.
مالك ببرود: زين صحيهم.
زين مشى صحاهم، سامر ونبيلة عاينو ليهم بقهر، ونبيلة عاينت لي مويد.
نبيلة بحقر: كدا يا مويد، أتعب فيك سنين عشان تجي تبعنا بكدا، يا ريتني ما ولدتك، ولادة السجم والرماد.
موييد بهدو: يا ريتك ما جبتيني، على الأقل ما كان حيكون عندي أهل زيييكم، عاوزين يقتلو الناس عشان القروش ولا ياخدو أولاد أخوه عشان حسد.
سامر بغضب: انت يا كلب أنا ابووووك، فكني بدل ما تقيف كدا.
مويد بهدو: ما حفك زول، وربنا عالم إنه الأنا بعملو صح، لو سبتكم أكتر من كدا الله يعلم كم روح حتاخدو على سبيل نفسكم وقروش.
مالك: أها حتتكلمو عن خطط دايمون ولا.
سامر: مستحييل في موتي.
زيين بسخرية: أصلاً أصلاً كدا كدا حتموت، عشان اختار تموت مرة واحدة ولا تتعزب قبل ما تموت يا عمي، وانت عارف إني بقدر.
نبيلة: انت قايل عشان عائش ونجيت من دايمون حتقدر تخوفنا، ده حظ ساي، أي زول بخش لي داييمون ما بقدر يطلع منه، أكبر مثال زييينه.
زيين بغضب: نبيــــــله.
نبيلة بسخرية: شنو يا فهد، انت أكتر زول عارف أنا صح، وانت العاشرتو برضو.
فجأة حست بضربة برجلها، رفعت عيونها وشافت الموت في عيونه، مالك العيونو قلبت أحمر من الغضب.
مالك بغضب: سكت ليييك كتير يا نبيلة، لكن انتي لازم تطلعي الشيطان.
مالك بغضب: واســـــي حتتكلـــــمو دايــــــمون بخطط في شنو؟؟
سامر: م.
مالك بقاطعه: اســــي.
نبيلة عاينت ليه مالك وبعداك عاينت لي سامر بقلق، وهم عارفين إنه نهايتهم قربت، لكن يموت من الشيطان ولا يموتو من دايمون لو عرف شي صغير إنهم وروه، حيقتلهم بأشد الطرق.
سامر: ما حتكلم يا مالك.
مويد بسخرية وساكت بعاين ليهم بحاول يتجاوز المو من أهلو، منتظر يخلصو من ده ويحبس روحو فالأوضة كالعادة براه، اتعود يكتم المو من أي زول.
زيين بسخرية: غصب عنك حتتكلم يا سامر.
سامر: لو قتلتوني ما حاتكلم.
: حاكون سعييد لو أخدت الفرصة دي أنا.
كلهم قبلو لقوه ليث ومجد الرجعو، وليث عاين لي سامر بسخرية ومجد عاين ليه ببرود.
نبيلة عاينت ليهم بخوف وكدا بتقدر تقول نهايتهم قربت وبشدة، تجمع الأسود ده ما في صالحهم.
مالك بصوت مخييف: وأسي بدون ولااا كلمة حتتكلموووو.
ود عاينت ليهم بغيظ: شنو لكن أنا كنت ديره أعمل الماسك أول.
زينة بضحك: خلاص يا ود المرة الجاية.
ود: كل مرة مرة جايه.
نازلي كانت بتعاين ليهم وبالها مشغول، زينة انتهت ليها.
زينة: نااز.
نازلي بانتباه: أيوا.
زينة: سرحان ويين.
ود بهظار: شكلها سرحانة في مجودد.
نازلي عاينت ليها وابتسمت، وزينة عاينت ليها بحزن.
سمعو صوت سحر ونور بدخلو.
سحر: يلا يا بنات عملت ماسكات رطبو شعركم وتعالو ليي.
ود بحسرة: اهه يحليل الكوفيرات الكنا بنمشيها، شكله دعاء زيين استجاب.
كلهم عاينو ليها باستغراب.
ود بغيظ: اتخيلو زين منعني لييو وبمشي لي مجد عشان يهكر تلفوني ويخت تعليقات سلبية في الكوفير.
زينة ونازلي عاينو ليها وانفجرو من الضحك، ود عاينت ليهم بغيظ وبعداك ضحكت معاها، عملو ماسكهم وكانو كلهم مبسوطين بعد أيام من التوتر.
6:00
كان البنات والرجال قاعدين فالحوش ومنتظرين مالك، زينة كانت خاتة راسها في كتف ليث وليث مغمض عيونو، ومجد وزين ونازلي وود بتونسو، دقائق جاهم مالك بابتسامة، ليث وزينة صحو وكلهم عاينو ليه.
مالك: صباح الخير.
كلهم: صباح النور.
مالك: أها جاهزين؟
مجد بتثاوب: أنا ما فاهم لي صاحين بدري.
مالك بجدية: ده الوقت المناسب لي التدريب قبل ما الشمس تشرق ومع هدو الفجر.
كلهم عاينو ليه بجدية ونظراتهم معلقة فيهم.
مالك: زينة.
زينة: أيوا يا بابا.
مالك ببسمة: تتزكري الاتعلمناه قبل سنتين.
زينة بهظار: طبعاً متزكرة، أنا لو ما حركاتك دي كان مته في يده دايمون زمان.
ليث: زييينه.
زينة: شنو يا ليث بقول الحقيقة.
مالك بالألم: تعالي واجهيني طيب.
زينة لمت شعرها ضنب حصان ومشت، وفعلاً بدت المعركة بين مالك وزينة.
زينة كانت بتتخطى حركات مالك السريعة مما خلاهم كلهم يعاينو ليها ببسمة، بس فجأة مالك لحق ومسك يدها وقلب على ضهرها براحة عشان ما يلوي يدها.
زينة بهظار: شنو يا مالك أنا بتك.
مالك ضحك عليها: أحلى بت انتي، المهم حقيقي مبسوط إنه عارف انتي بتقدري تصدي الهجمات لكن عندك مشكلة مع الهجوم، يعني تهاجمي الزول.
زينة عاينت ليه مالك قبل لي ليث: ليث حتعلم زيينه سرعة التصرف والهجوم بسرعة.
ليث: حاضر.
مالك: تعالي يا في خليني أنا بدربك، وزين يدرب ود، ونازلي يدربها مجد.
فعلاً بدو كل زول يضرب مرتو، مجد كان بيدرب نازلي من الرجل، وأثناء ما هم بتدربو نازلي حست بوجع شديد في رجلها لمن ما قدرت تقيف.
مجد بخوف: نازلي مالك.
نازلي بالألم: شكله جرح رجلي لسه بيوجعني.
مجد وهو بعاين لي ود: ود تعالي بسرعة.
كلهم خلو التدريب ومشو لي نازلي بخوف.
ود بخوف: مالك يا نازلي.
نازلي بالألم: بس رجعي وجعاني، ما في شي.
مالك: بسبب ضربات الكلب ده ولا حاجة تانية؟
نازلي نزلت راسها بدموع: بسببو هو.
مجد قلبو وجعو عليها، ود مشت جابت مهدي وادتو لي مجد.
ود بجدية: مجد خته ليه في محل الوجع في رجلها.
مجد هز ليها راسه، مالك عاين ليها.
مالك ببسمة: ما لازم تضغطي روحك كدا نازلي، ما مشكلة، المهم انتي تكوني كويسة، أسي امشي مع مجد غرفتكم وارتاحي.
نازلي ابتسمت ليه حقيقي، هي شافت حنان أبوها فيه، مجد ساعد نازلي ودخلو غرفتهم.
مالك: يلا ارح نتم.
وكلهم رجعو يتمو، ليث جاب لوح خشب كدا.
ليث: يلا حبيبي انتي حترضبي اللوح ده بي يدك ورجلك لكن براحة عشان ما تكسري واحد من عضامك.
زينة ابتسمت ليه بدت تعمل في القالو ليث، وهو بقول ليها أقوى، وأثناء ما هي بتتضرب اتزكرتو وهو بضربها وهي بتترجاها.
Flash back
مسكها من شعرها وجراها لي الغرفة التحت الأرض وزينة بتبكي وتترجاهو يفكاه، بس أبى وهو قاعد يضحك فيها.
دايمون بضحك: أخيييراً جاء وقت الضرب يا بت الأسود، أخيراً.
وضحك وبدأ يضرب فيها وهي لا حول لها ولا قوة عندها، كانت بتستقبل ضرباته ليها وهي بتبكي، ف لحظته نست العلمو ليها أبوها وما عرفت تدافع عن نفسها، وهو بضرب فيها وهو بضحك.
Back
قطع تفكيره صوت زين الماسك وشها بقلق، عاينت ليه وعاينت لي أبوها وليث الكانو بعاينو ليها بقلق، شكله تدريبها زاد عن حدو.
زيين بخوف: اتنفسي زيينه اتنفسي.
زينة الاكتشفت أسي إنها كاتمة، بقت تكح تحاول تتنفس، مالك حضنه عليه بخوف.
مالك: خلاص خلاص زينة اهدي اهدي.
ليث بعاين ليها بوجع ودموعو بتنزل على حالتها، هو أول ما شافها بدت تضرب فالخشبة بكل ما عندها، اكتشف إنه رجعت لي الماضي بتاعها، زين بعاين ليه أختو بخوف، وود وفي بحاول يخلوها تتنفس عديل.
مجد جاهم راجع بسرعة لمن سمع صوت أخته.
مجد بخوف: ماله زيينه؟
ما في زول رد، بقو يحاولو يهدو في زينة لحدي ما هدت، مالك حضنه عليه ودموعو نزلت عليها.
مالك: خلاص يا زينة كل شي حينتهي، قرب بإذن الله.
مرة أسبوع من التدريبات، نازلي كانو ما بخلوها تتمرن، وود وفي كان مستواهم اتحسسن شويين، وزيينة مستواها اتحسن وبشدة، لكن قدر ما حاول يطلعو أفكارها من دايمون ما قدرو.
صحت من النوم بعد التدريب الصباحي، دخلت استحمت واتوضت وصلت، فتحت تلفونها لقت بكره عيد زواجهم الخامس، انصدمت كيف نست يوم مهم كدا.
لبست بنطلون جينز ومع بلوزة بيضة وفوقه جكت جينز وخلت شعرها فاكي، نزلت بسرعة وحمدت ربها إنه ما في زول في الصالة، مشت بسرعة السلم التاني البودي لي الجهة التانية من الفيلا، ركبت بسرعة ومشت اتجاه الغرفة، خبطت الباب بعداك سمعت صوتها بياذن ليها.
نازلي رفعت راسها وهي كانت سرحانة وبتسرح في شعرها، عاينت لقت زينة في وشها وقبل ما تتكلم.
زينة: وايي يا نازلي، بكره عيد زواجنا وأنا نسييييت عديييل.
نازلي باستغراب: انتي تنسي دي حاجة غريبة.
زينة: صححح، أنا زاتي استغربت من روحي، المهم خلينا من ده، أنا ما جبت هدية لي ليث رغم إنه هو كل سنة بدلعني وأنا ما جبت، نسيت.
نازلي: اهدي اهدي حنتصرف.
زينة: نتصرف كيف، انتي عارفة ما بقدر أطلع البيت براي، ولو قولت ديره أطلع طبعاً ما حخليني وحجي معي.
نازلي: أوووه دي مشكلة دي.
زينة بغيظ: صباح الخير ناز.
نازلي ضحكت فيها، زينة بقت تمشي يمين ويسار.
نازلي: عنديي فكرة.
زينة قبلت عليها، نازلي ببسمة خبيثة خلت زينة تبتسم.
زينة بضحك: حمد لله على السلامة، كدا اتأكدت نازلي صحبتي رجعت.
نازلي انفجرت ضحك فيها.
زينة: أها شنو؟
نازلي: نسأل سحر.
زينة: لاااااااا.
نازلي باستغراب: ليي.
زينة: يا ماما سحر دي أفكارها كلها قلة أدب، وبعدييين يعني أسألها من عيد زواجنا، انتي عارفاها حتقول شنو.
نازلي: طيب رأيك شنو نوري مجد ويساعدنا.
زينة: فكرة والله، لكن ليث حجي طبعاً يا بتي.
نازلي بخبث: هو يتصرف.
زينة: طيب خليه يجيي.
نازلي: حااضر أرسل ليه أسي، وفكت شعرها ومسكت التلفون رسلت لي مجد رسالة وردة ليها.
نازلي: قال جاي.
