
ليث ضحك فيها وضماها عليه وبحمد ربه للمرة الألف إنها قدرت تتحرك، حقيقي الفرحة ما كانت قادرة، قطعت اللحظات دي صوت أغاني.
سحر بحماس: ارح ارح نحتفل بي زينة ونحتفل بي دخول دايمون السجن.
وفجأة بدت تمسك يد الناس كلهم وبدو الرقص، ليث عاين ليه زينة البتضحك وبترقص مع أبوها ومجد وزين ونازلي وود، والكل في اللحظة دي كانو مبسوطين، وبعد عزاب ومشاكل وبكاء ودموع أخيراً جاء الفرج عليهم كلهم.
مرة اليومين بخيره وحلوها، أخيراً رجعو كلهم الفيلا في خلال اليومين ديل، وسحر وحسام وفي مشو بيتهم، ومويد بعد إصرار من مالك قعد معاهم.
يـــوم المحكمة….
كانو واقفين الأربعة قدام عمران البعاين ليهم.
عمران بسخرية: حبايبي نفسي أدخلكم يعني، لكن ما بضمنكم، والزفت ده ماشي المحكمة بعد شوية.
مالك بسخرية: بنوعدك ما بنهبشو.
عمران بسخرية أكبر: بيني وبينك كدا يا شيطان.
مالك عاين ليه وسكت.
عمران: نفسي أدخلكم، نفسي تضربوه وتنتقمو من العملو، لكن زي ما عارفين هو ماشي المحكمة، واليهو أحقية إنه يضربو هم زينة ونازلي وقدام الكل في المحكمة، غير كدا ما حتقدرو تهبشو.
مالك: طيب حتدخلنا المحكمة صح؟
عمران: للأسف لا.
مالك بغضب: بتهظرر يا عامر، عايزني أدخل بناتي الهم لسه بتعالجو منو ليييه.
عمران: يا شيطان.
مالك بغضب: اتصرف يا عامر، أنا مستحييل أدخل بناتي براهم قدام الحقير ده.
ليث ببرود: ودخلني يا عمران أنا برضو.
مجد ببرود: وأنا.
زين ببسمة: لو ممكن يعني أنا صدقني ما حعمل شي، بس حقيف مع أخواتي.
عمران: أمري لله.
قطع كلامهم صوت دخول الجندي.
الجندي باحترام: في ناس واقفة برا، أعتقد من أهلك يا شيطان، لأنو طالبو بوجودك انت والأسود.
مالك بهدو: أيوا أهلي، تسلم يا جندي.
الجندي هز راسه وطلع، ومالك عاين لي عمران.
عمران: طيب يا مالك حتصرف ودخلكم، امشو أقيفو معاهم أسي لأنو فضل لي المحكمة ربع ساعة.
مالك هز راسه واتحركو الأربعة برا، لقوهم كلهم قاعدين، أسرتهم كلهم، زينة كانت بتعاين لي المحكمة بخوف، ونازلي بتعاين وكل تفكيرها إنها حترجع تشوفو تاني، ونور بتعاين ليهم بقلق، وسحر وود وفي وحسام واقفين وساكتين.
اتحركو عليهم الأربعة، وقبل ما يوصلو شافو جندي وصلهم قبليه.
الجندي: مدام زينة ومدام نازلي، خليكم جاهزين، المحكمة حتبدأ أسي.
زينة ونازلي عاينو لي بعض وهزو ليه راسهم، مالك كان بعاين ليهم الاتنين.
مالك ببسمة: زينة ونازلي، شنو التعابير دي، مفترض يعني تكون مبسوطين إنه خلاص حتقدرو تنتقمو لنفسكم.
زينة عاينت لي أبوها حست بالضعف تاني، كان نفسها تهرب، ما عايزة تشوفو، ما عارفة حيحصل ليها شنو لو شافتو، قطعت تفكيرها لمست ليث ليها وعاين ليها ببسمة.
ليث بهدو وهو بهمس ليها: خليكي قوية زينة، نحن كلنا معاكي ما حنسيبك براك.
زينة ابتسمت ليه وعاينت ليه: حتدخلو معانا صح.
ليث ببسمة: عمران حيتصرف لينا.
زينة ختت راسها في كتفو، كلامها خلاها تستعيد الثقة في نفسها، مالك ابتسم ليهم وبعداك عاين لي مجد ونازلي الكانو بتهامسو.
مجد عاين لي نازلي البتعاين ليه بقلق.
نازلي بقلق: أنا خايفة يا مجد.
مجد ببسمة وحب: تخافي لي يا روح مجد، انتي هو المفترض يخاف بعد ده، خليكي قوية ناز، نحن كلنا جنبك ومعاكي وما حيقدر يعمل ليكي شي.
نازلي: خايفة اتزكر كل شي عملو لي وأضعف.
مجد وهو بمسك وشها: اوعك تفكري كدا، واوعك تسمحي لي عقلك يتزكر كل شي عملو، إلا في حالة وحدة، تتزكري لمن تجي تتكلمي عن العملو فيكي، وعايزك وانتي بتتكلمي تكوني قوية، تثبتي لي الناس دي كلها إنك قوية يا ناز.
نازلي ابتسمت ليه بحب: مجد خليك معاي، أنا بس عايزاك تكون جنبي بس.
مجد ببسمة وهو ببوس راسها بحب: معاكي دائماً وأبداً، عمران حيتصرف ويدخلنا.
نازلي ابتسمت ليه بحب، مالك عاين ليهم ببسمة وبعداك عاين لي عائلتو كلها، كان زين وود بتهامسو، وفي ومويد البدو يقربو من بعض خلال اليومين ديل، ونور وسحر وحسام البتونسو.
مالك ببسمة وهمس لنفسه: الحمدلله وفيت بوعدي ليكم وقدرت انتقم ليكم، خلاص حنرجع طبيعين كلنا بإذن الله.
قطع تفكيرو صوت عمران.
عمران بغيظ: غايتو اتكلمت كتير لحدي ما وافقو.
مالك ضماهو: تسلم يا عمران، ما حنسى العملتو معانا طول حياتي.
عمران ببسمة: حمد لله على السلامة يا مالك.
مالك بهظار: وأخيراً قولت اسمي، حسيت للحظة إنك ناسي اسمي.
عمران عاين ليه وضحك ومالك شاركو الضحك، بعد دقايق جاء الجندي.
الجندي باحترام: يلا يا جماعة، المحكمة حتبدأ.
زينة عاينت لي أبوها وليث المسك يدها قوية وعاين ليها نظام أنا معاكي، ونازلي الكان مجد ابتسم ليها.
نور بتعاين لي نازلي وزينة: يلا حبيباتي، مالك وديل بس حقدرو يخشو معاكم، لكن اتزكرو نحن معاكم.
زينة عاينت ليه أمها ومشت ضمتها، ونور باست وشها كتير وبقت تدعي ليها، وبعداك نور ضمت نازلي الانصدمت لمن حضنتها حست بإحساس الأمومة الفقدتو بعد وفاة أمها.
نور ببسمة: كوني قوية نازلي يا بتي.
نازلي عاينت ليها ومسحت دمعته وابتسمت ليها: حاضر.
مالك: يلا.
بقو ماشين وليث الكان بعاين لي زينة طول الطريق لحدي ما وصلو الغرفة، دخلو زينة ونازلي قعدو في الكرسي البجنبه ومالك والشباب قعدو في كراسي الحاضرين.
قعدو دقايق لحدي ما سمعو صوت الجندي وهو بقول المجرم جاء، زينة ونازلي قلبهم وقف من الخوف وهم شايفين دايمون الداخل وفي ابتسامة في وشو، وأول ما مر جنب زينة ونازلي الكان بعاينو ليه بكره.
دايمون بسخرية: أووووه شوفو منو هنا، نازلي وزينة، سجيناتي العزيزات.
دايمون بابتسامة: جاين عشان تنتقمو مني، انكم بتتكلمو كم كلمة.
نازلي لأول مرة تستجمع شجاعتها: الكم كلمة ديل هي الحتكتب نهايتك يا دايمون ولا كيف.
دايمون عاين ليها وابتسم بسخرية وبعداك عاين لي زينة الكانت بتعاين ليه بكره وجسمها كله برجف.
دايمون ببسمة: زينة القمر، رجعتي تمشي، شايفك.
مالك وليث وزين ومجد كان بعاينو ليه بغضب وكانو ديرين يضربو بس عمران ماسكهم بالعافية.
زينة ابتسمت ليه بشجاعة: بديت أمشي الحمدلله، لأنو الزي أمثالك ما بيستحقو تستسلمو ليه.
دايمون: شايف بقى عندك لسان وبتتكلمي، تتزكري أيام كان صراخك هو النغمة المفضلة عندي.
زينة عاينت ليه بغضب بس كتمت غيظه ووجعها جواها وعاينت لي مالك العاين ليها نظام ما تسكتي اتكلمي وانتقمي.
زينة: للأسف انتهى وقتك، جاء وقت موتك يا دايمون.
دايمون بسخرية: على الأقل أموت بكرامة، يا ترى رجالكم ليث ومجد لسه ما سابوكم ليه، وأنا متأكد علامات ضربي في جسمكم.
الكل كانو بعاينو ليهم باستغراب وما في زول قادر يسمع الكلام البتقال بينهم حتى الأسود، لكن فجأة كلهم انصدمو ولمن زينة فجأة ضربت دايمون كف في وشو.
زينة عاينت ليه.
