منوعات

قصة بنت الاسود

مجد بخبث: ما تخاف يا حاج، رجالنا منتظرنو في أي حتة ناوي يهبط عليها.

ليث ببسمة: الخبث والخبائث حقونا، خلاص أنا تعبت وعايز امشي لي مرتي.

ليث فجأة حس بضربة في راسو.

زين ببسمة: احترم نفسك قاعد تتكلم عن أختنا.

ليث عاين ليه بغيظ وسكت بعد ما لمح مروه وأحمد جاين عليهم.

مالك ببسمة: خلونا نتحرك، وفعلاً ركبو العربيات واتحركو على مطار بورتسودان، بعد تلاتة ساعات وصلو المطار واتحركو وعملو اجراتهم وبقو منتظرين طيارتهم.

كانو فالهليكوبتر القالعين فيه ليهم قريب الخمسة ساعات وبعاين من فوق وهو عارف نهايتو قربت وبشدة، وعاين لي جثمان ايلينا الفي يدو.

الكابتن قطع تفكيرو: سيد دايمون للأسف البنزين حيخلص ونحن محاصرين، ما حنقدر نطير كدا والرجال الشرطة والمخابرات حرفياً تحتنا.

دايمون عاين لي الكابتن وعاين لي ايلينا.

دايمون ببسمة: ما دام كدا كدا انتهيت، ما حخلي ليث يعرف إنك عايشة.

دايمون عاين لي الكابتن بهدو: أديني سكينة ولا موس.

الكابتن عاين ليه بخوف وأداه موس زي ما طلب، دايمون عاين لي الموس ولي وش ديانا الجميل، وفي ثانية بدا يجرح وشها لحدي ما اتملى أدم وجروح لدرجة ما في زول حيقدر يتعرف عليها.

دايمون عاين لي جثمان ايلينا وضماها عليه وعاين لي الشرطة والمخابرات القاعدين ليه.

دايمون: نزلنا.

الكابتن فعلاً بدا يهبط والشرطة والمخابرات بدت تجهز أسلحته واحتياطتها وبدو يجتمعو سوا، ما مدين أي فسحة ليه، وأول ما هبطت الهليكوبتر الشرطة هجمت على الهليكوبتر وفي ثانية.

الضابط بأعلى صوت: دايـــــــــمون انـــت رهـــــن الاعتـــقال.

وفي دقايق دايمون اتقبض عليه وبدون مقاومة، وفي وشو ابتسامة عريضة وعاين لي جثمان ايلينا الشالوها ولي الكابتن الاتقبض عليه، وفي ثانية لقى العربية الفيها سجن دخلو فيها.

الضابط لي الشرطة: أمنو الطريييق، عايز الطريق لي السجن يكون فاضي.

وفعلاً بدت تتحرك الشرطة.

ساعتين وصلو الخرطوم، أول ما نزلو جاء اتصال على تلفون مالك.

مالك عاين لي المكالمة ورد، اتكلم دقايق ومشى بعيد من الأسود وبقى يتكلم دقايق وخلص ورجع تاني، وفي وشو في ابتسامة عريضة وابتسامة راحة.

ليث: تدوم الفرحة لكن مالك.

مالك ببسمة وراحة وكان في هم وانشال، وفعلاً انشال بعد سنين من العزاب، قدرو وأخيراً ينتقموووو، لكن لسه الانتقام لسه ما بدأ.

مالك بفرحة وهو بعاين ليه بدموع فرح وراحة: الحمدلله قبضو على دايمون.

ليث ومجد وزين عاين ليه بصدمة والتلاتة ما قادرين يستوعبو إنهم أخيراً عملوها، أخيييراً قبضو على دايمون بعد كمية العزاب.

مروه بفرحة: قبضوه بجد.

مالك: أيوا الحمدلله، لكن في محكمة مستعجلة بعد يومين ولازم.

مجد بفرحة والفرحة ما ساعياه: ولازم شنو؟

مالك: زينة ونازلي يحضرو المحكمة.

وفجأة الفرحة كلهم انمحت من عيونهم وعاينو لي مالك بصدمة.

ليث بصدمة: انت بتهظر، كيف نوديهم لي الحقير ده.

مالك: لازم يدو أفادتهم في المحكمة عشان يحكمو عليه بالموت.

ليث عاين ليه مالك وسكت، ومجد وزين سكتو، ومروه وأحمد الكانو براقبو في الوضع.

اتحركو بسكات وركبو العربية، بعد نص ساعة وصلو الفيلا، الأربعة عاينو لي الفيلا وابتسامة عريضة في وشهم.

مالك: الحمدلله عدت على خير وكلنا كويسين.

ليث ببسمة: الحمدلله.

دخلو وبوراهم مروه وأحمد نزلو المختبر، وكانو كلهم بتونسو.

مجد بضحك وهو بهمس لي زين: الحمدلله المرة دي سترونا مع الناس.

زين كتم ضحكتو، مالك ابتسم وعاين لي أسرتو بحب، وأخيراً انتهى الهم وانتهى كل شي، وكلهم قاعدين بخير وعافية وبضحكو مع بعض.

نور انتبهت لي مالك وكلهم واقفين.

نور بصراخ وفرحة وبكاء: مالكك.

مالك ابتسم ليها، نور حضنت وحمدت ربها رجعو بخير وعافية.

ديانا عاينت ليه أمها وأحمد البورا.

ديانا بدموووع: ماماااا.

مروه ببكاء وهي بتشوف بتها الجرت ليها وضمت روحه عليها.

مروه وبتحضن بتها وبكت، وكلهم عاينو لي المشهد المؤثر ده قدامهم، وأحمد بعاين لي ديانا وحمد ربه إنها كويسة.

مروه ببكاء: خلاص يا ديانا، انتهينا، تاني ما في حبسة، تاني ما في زول يعزبك.

ديانا وهي بتقوم من حضن أمها وبتعاين ليها باستغراب: كيف يعني؟

مروه عاينت لي مالك بامتنان، نور عاينت ليها باستغراب.

مالك وهو بعاين لي أسرتو كلهم بابتسامة: دايمون اعتقل خلاص، انتهى زمن دايمون.

وعم الهدو من المكان، زينة الصحن الكان في يدها وقع من الصدمة، أما نازلي بتعاين لي مجد بصدمة ولي مالك بصدمة أكبر، ونور عاينت لي مالك بصدمة.

أول زول طلع من صدمتو كانت ود.

ود بصدمة: كييييف؟

مالك وهو بعاين لي زينة ونازلي الساكتين سكوت مريب: اعتقل قبل ساعتين، وبعد بكره في محكمة ولازم نازلي وزينة يدو أفادتهم.

زينة جسمها رجف، ومن مجرد فكرة إنها تقابلو تاني: لا.

كلهم عاينو ليها، وزينة عاينت لي مالك ودموعه بتنزل وجسمها برجف من الخوف وعقلها وقف، وفجأة رجع ليها زكرياتها تاني، الضرب والبكاء والتحرررش وحرمان الأكلل.

مالك مشى لي زينة سرعة مسك وشها عرف إنها حتخش في نوبة.

مالك بخوف وتوتر: زينة حبيبتي عايني ليي، انتي قووويه تماممم، لازم توريه إنك قوية.

زينة بتعاين ليه أبوها وجسمها كله برجف، مالك أول ما لمسه زحت يدها منو بسرعة من الخوف وعقلها وقف في كلمة حتلاقي دايمون.

زينة ببكاء وبترجي: لا لا لا بابا ما عايييزه م.

مالك وهو بضمها: انتي قوية زييينه، اوعك تضعفي، اوعك.

زينة زكرياتها ابت ما توقف، الضرب والعزاب الحصل ليها أبى يفارق وشها، لحدي ما حست بيد أبوها وهو بمسك وشها.

مالك بخوف: زيينه انتي سامعانييي؟

زينة عاينت لي مالك ودموعه بتنزل: أنا ما قوية يا مالك، أنا مرعوبة إني أشوفه.

مالك ببسمة وهو ببوس يدها: انتي قوية وشجاعة، انتي حتقيفي قدامهم كلهم وتطلبي حقك زينة، حتقيفي انتي ونازلي وبقوة وقدامه، وما حتبينو كسركم لأنكم أقوية، وحتقدرو عليها، وحتطالبو بحقكم، ودايمون حيتعزب، وحترجعي تمشي تاني بإذن الله.

زينة عاينت ليه حست بقوة غريبة من كلام أبوها، ايمكن لأنها كانت منتظرة اللحظة دي من زمان.

زينة وهي بتعاين لي أسرتها البتعاين ليها بحب وحزن، وبعاينو ليها واحد واحد، وعاينت لي نازلي الابتسمت وهزت ليها راسها نظام نحن قوين وحنعمله.

زينة ببسمة: بابا.

مالك عاين ليها بحب وبسمة: عيون أبوكي.

وفجأة سكت من الكلام وكلهم سكتو وانصدمو لمن زينة قامت من الكرسي وزحت الكرسي وقعدت في الأرض تحت صدمة الكل.

زينة وهي بتعاين لي مالك ببسمة ودموع: شوف مالك، أنا رجعت أمشي.

مالك دموعه نزلت، وزينة قامت ولفت قدام وبقت تنططط، وليث من الصدمة دموعو نزلت.

نور بصدمة ودموعه بتنزل: زينة انتي بتمشييي؟

زينة ابتسمت ليها وهزت راسها: الليلة بعد محاولات رجعت أمشي، صح ما بقدر أقيف كتير أو أمشي كتير وبتعب بس قدرتت.

مالك ضماها عليه وبكاء تحت صدمة زينة والكل بكاء بصوت.

زينة بخوف وقلق: بابا مالك؟

مالك ببكاء: أنا مبسوط إنك قدرتي ترجعي تمشي زينة، أنا مبسوط شديد يا زينة.

زينة ابتسمت ليه أبوها، وفي ثواني الكل ببكاء من الفرحة، وأخيراً انفرجت عليهم والفرحة عمت عليهم.

مالك زح من زينة وزينة ضمت نور المن الصدمة ما قادرة تستوعب وبكت وبشدة إنه زينة رجعت تمشي.

نور وهي بتبوس شعر زينة: الحمدلله يارب، الحمد لله إنك رجعتي تمشي.

زينة بكت وعاينت لي مجد الما اداها فرصة وضماها عليه.

مجد ببكاء وفرحة: زينوووو، الحمدلله الحمد لله إنك رجعتي تمشي يا زينة، أنا مبسوططط إني شوفتك بتمشي تانيي حبيبتي أنا مبسسوط.

زينة ببسمة وهي بتضم أخوها: ربنا يديم عليك فرحتك يا مجددد.

مجد وهو ببوس راس زينة: ويدييمك لينا يا زينة.

زين بعاين ليه زين ودموعه بتنزل، زينة زحت من حضن مجد وجات لي زين.

زينة ببسمة وهظار: شنو يا زين ما مبسوط.

وقبل ما تكمل كلامها زين ضمها وبكاء وبقى يحمد ربه إنه مشت، بكاء بس وكان بردد الحمدلله، وزينة ابتسمت ليه ورفعت عينها لي ليث الكان قاعد في نهاية الغرفة وببكي من الفرحة وبعاين ليها بفرحة، زينة ابتسمت ليه بحب وليث ابتسم ليها.

زين: انتي أسي حاسة بوجع ولا شي.

زينة ببسمة هزت راسها ليه: لا لا كويسة أنا الحمدلله.

زين وهو ببوس راسها: الحمدلله حبيبتي الحمدلله.

زينة ابتسمت ليه وضمت باقي العائلة كلها وكلهم بكو ليها وفرحو ليها، زينة مشت لي ليث الكان بعاين ليها بحب وبحمد ربه إنها قدرت تمشي.

زينة ببسمة وهي بتعاين ليه: كنت قوية عشان أرجع أقيف وحاكون أقوى عشان أجيب حقي وأقيف قدام دايمون، بس أنا عاوزاك جنبي ليث.

ليث ببسمة وحب: دائماً وأبداً جنبك زينة، الحمدلله ودي أحلى مفاجأة إنك قدرتي تمشي حبيبي، نفسي أحضنك وأنطط بيكي بس لمن نصل غرفتنا.

زينة ضحكت فيه: ارح غرفتنا طيب.

ليث وهو بغمز ليها: شنو يا زينو، شايفك بقيتي شجاعة وما بتخجلي.

زينة وهي بتدلع فيه: زوجي وأدلع فيه ولا شنو يا ليث.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى