
زينة هزت راسها ومشت معاها، وود كل شوية بتعاين لي الراجل المريب ده، هل بسكها ولا.
دخلو المحلات، وود مشت بعيد منهم تكتشف باقي الحاجات، وأثناء ما هي واقفة حست بضل بمنع عنها، عاينت بورا وانصدمت لمن شافت المقنع قاعد بوراها وما في مساحة بيناتهم، ود جسمها برررد من الخوف.
ود: انت منو عايز شنو؟
أما المقنع ما رد، بقى بيتأمل فيها وفي جمالها، وود ما قادرة تزح منه، أما هو في خصلة نزلت في وشها وزحاها بيدو، وود كانت متوترة وقلبها بيدق بسرعة، قطع اللحظة دي صوت مجد وهو بناديه.
مجد: ود وينك، ارح لو ما لقيتي حاجة ماشين.
ود زحت المقنع منها بسرعة وجرت، أما المقنع عاين ليها واتحرك بسرعة برا المحل، أما ود رجعت ليهم وكان وشها أحمر.
سحر: يا بت مالو وشك أحمر كدا.
ود بتوتر: ااا الدنيا سخانة.
مجد باستغراب: سخانة شنو، درجة الحرارة عشرين يا ماما.
ود: أنا مسخنة.
سحر: انتي يا بت عندك غدة.
ود دنقرت راسها منهم، وزينة كانت بتعاين ليها وهي حاسة إنه في شي بس صبراً لمن يكونو براهم، واتحركو كلهم بدو يعملو شوبينق.
جاء داخل كامل المكتب لقى دايمون بعاين ليه ببرود.
دايمون: نفذت؟
كامل: أيوا لكن البيت فاضي بس فيه الحراس.
دايمون: ده أنا الداييره، يلا نفذ وأسي.
كامل: طيب وطلع.
دايمون ابتسم وقام مشى لي غرفة المعاناة، فتحه لقى نازلي راقدة في الواطة وبتعاين في السقف.
دايمون: أوه نازلي.
نازلي عاينت ليه بعيونها وما اتكلمت.
دايمون ضحك ضحكة شريرة: عارفة أسي حأعمل شنو.
نازلي عاينت ليه بعد فهم.
دايمون بكذب وضحكة: راجلك وعئلتو حيوزعو من الدنيا.
نازلي رفعت جسمها من الواطة وعاينت ليه بصدمة.
نازلي بخوف: انت حتعمل شنو.
دايمون وهو بمسك يدها وبجرها بقوة من الواطة ونازلي ماشة معاها ويدها موجعة من مسكتو، قعدها في الكنبة وهو قعد بابتسم.
دايمون: يا جمال اليوم ده.
فتح التلفزيون وفتح ليه الكاميرا الختاها مساعدو أسي.
نازلي عاينت لي الكاميرا بصدمة وعاينت ليه وهو بعاين لي علامات الصدمة الفي وشها.
دايمون مسك تلفونو واتصل دقيقة وسمعتو بيقول نفذ، نازلي عاينت في التلفزيون في ثانية شافت البيت بتحررق.
نازلي بدموع وانهيار: لااااااااااا مجــــــــــدددددد.
دايمون بقى يضحك ونازلي انهارت في الأرض وهي شايفة البيت بيتاكل مع النيران.
نازلي وهي بتمشي ليه وبتمسك في قميصه بشجاعة غريبة عليها.
نازلي بكره: انت بني ادددددمممم هااا جاووووب حرااام عليييك حراااااام.
وقبل ما ترددد دايمون ضربها كف ومن قوة الكف وقعت وضربت راسها في الطربيزة واغماء عليها.
دايمون عاين ليها وعاين لي البيت وطلع بعد قفل الأنوار وسابها في الأرض.
نازلي بهمس: مجد.
كانو ماشين في المول، قطع كلامهم صوت تلفون مجد الطلع وعاين ليه باستغراب بعدين رد.
مجد: بابا.
مالك بصراخ: مجدددد سوووق العائلة ودوهم المزرعة أسييييييي.
مجد بصدمة: في شنو يا باباااا.
مالك: دايييمون حرق البيت أسييي، وديهم المزرعة يا مجددد أسيييي.
مجد: حاضر حاضر.
وقفل.
ليث: في شنو؟
مجد: دايمون الحقير حرق البيت.
كلهم عاينو ليه بصدمة، وليث طوالي بقى يتسعجلهم، ركبو العربيات واتحركو سريع، أخد الطريق منهم ساعتين لحدي ما وصلو المزرعة، نزل منها كلهم تعبانين.
سحر بجدية: أسي ما عندنا هدوم ولا أكل.
مجد: بابا ونور حجيبو كل شي معاهم أسي.
سحر هزت راسهم، دخلو كلهم المزرعة وكانو كلهم متوترين، أخد ساعتين ومالك ونور جو داخلين، زينة مشت حضنت أبوها.
مجد: حصل شنو يا أبوي.
مالك وهو بضم زينة عليه: دايمون ولع في البيت، الحراس قدرو يسيطرو على أكبر قدر من الحريق لكن للأسف ضاع نص البيت.
سحر: حسبي الله ونعم الوكيل.
مالك: مجدد انت حتقعد معاهم هنا، تاني ما ينفع نسيبهم براهم، وأنا وليث حنمشي نشوف البيت.
مالك: تعالو شيلو الحاجات من العربية عشان أكياس كتيرة.
مشو كلهم شالو الحاجات ودخلوها الفيلا.
مالك بتحذير: كلكم تقعدو مع بعض، يعني ما في زول يسيب التاني لحدي وقت النوم.
هزء ليه راسه، مالك وليث مشو لبسو بدلهم الجابة مالك معاه وأقنعتهم واتحركو، أخدو ساعتين لحدي ما وصلو الفيلا الكانت محروقة حرق، ليث ومالك دخلو البيت وبقو يتأكدو من البيت ومشو جهة المختبر، ولحسن الحظ إنه المختبر عشان تحت الأرض ما حصل فيه شي.
مالك: خربت الكاميرا الخاتيها الحقير ده.
ليث: أي أول ما وصلنا خربت أي كاميرا خاتيها عشان ما يعرف شي.
مالك همهم وقعد في الكنبة بتعب، ليث أشفق عليه إنه شايل هم العائلة كلها.
ليث: مالك.
مالك رفع راسه ليه منتظر كلامو.
ليث: ما تظن إنه ده الوقت المناسب.
مالك غمض عيونو بوجع وهو فهم كلام ليث.
مالك: ما عارف أعمل شنو.
ليث: لازم يرجع يا مالك، لازم، أول شي إننا ما حنقدر نسيطر على دايمون بدونو، وعشان زينة يا مالك، زينة الكل يوم ماشة أسوأ.
مالك عاين ليه وبقى يفكر في كلامو وهو عارف مية في المية كلامو صح.
مالك قام: خلينا نمشي الشقة.
ليث ابتسم واتحركو، وبعد ما اتأكدو إنهم قفلو المختبر ركبو العربية واتحركو نحو الشقة.
أخد نص ساعة لحدي ما وصلو الشقة، مالك خت إصبعه لأنو الباب بفتح بالبصمة، دخلو لقو البيت هادي، اتحركو نحو الغرفة دخلو لقوه قاعد بتيشيرت بدون أكمام وشورت ولابس سماعتو وبرمي في الكورة، مالك ابتسم بحنان وليث مشى ليه وشال منو التلفون، والآخر كرده فعل منو شال الأداة وأشرو ناحية ليث.
ليث: أووبس.
: ديييل انتو يعني.
ليث بسخرية: لو دخل ليك واحد من حلفاء دايمون ما كان حتحسس.
: هه يا ظريف.
مالك مشه ليه بحنان وحضنو: وحشتني يا زين، وحشتني (تراااا).
زين وهو بضم نفسه أكتر على مالك: وانت أكتر يا مالك.
ليث ابتسم ليهم، مالك بعد منهم وقعدو التلاتة.
زين بهظار: شنو سبب الزيارة الجميلة دي.
مالك بغموض: دايمون وزينة.
زين الخوف دخل قلبه: ماله زييينة.
مالك: زينة صحتها النفسية بدت تدهور بدل ما تتصلح يا زين.
زين عاين لي مالك بصدمة، كلام أبوه كسر قلبه، أخته بتعاني بسببو لسه.
زين دموعو نزلت على أخته وتومتو وشريكتو في الحياة.
مالك حضنه عليه: أوعدكم حقكم حيرجع.
