
ليث بتعب: عمران قال شنو يا مالك.
مالك: حأتصل بيه لمن نصل نشوف الحيحصل بعديه.
مجد وليث سكتو لحدي ما وصلو الفيلا بتاعتهم، نزلو التلاتة لي المختبر بتاع مجد وانصدمو من البحصل قدامهم.
سحر كانت بتردح في سامر، وزينة وود كالعادة بوراها.
سحر بغيظ: هيي انتو قلة أدبكم دي ما بتنفع معي.
سامر ببرود: مرتي وحر، ما قليت أدبي بالحرام.
ود عاينت لي زينة وزينة طوالي فكت سحر.
زينة: أمك دي امسكيها.
ود بخوف: هي حتنفجر عشان كدا الأحسن زول يقرر سلامته.
حسام كان بتابع الموضوع عادي ولا كانه مرته ماشة تنفجر.
مالك عاين ليهم بملل وشاف نور بتضحك معاهم، مشى ليها.
نور بخلعة: بتين جيتو؟
مالك بغمزة: ارح غرفتنا قبل ما سحر تقبضنا.
سحر وهي خاتة راسها بيناتهم: سحر بعبع يعني ولا كيف يا أستاذ مالك.
مالك بغيظ: سحر ما عندي ليك مزاج، عايز مرتي.
وساق نور ومشه، عاينت ليهم بغيظ وقبلت لقت ليث عايز يسوق زينة بتجسس على أساس ما تشوفهم.
سحر بسخرية: شنو يا أستاذ ليث.
ليث: لمحتيني برضو بعد تجسسي.
سحر مشت جابت زينة.
سحر: ممنوع زينة لحدي وقت النوم.
ليث بغيظ: حسسام امسك مرتك قبل ما أعلقهم ليكم هنا.
سحر برافع محجوب: بتقدر؟
ليث: يا ماما أنا دراجون.
سحر: دراجون على الشفع، أما أنا ما شافعة.
وساقت زينة وجرت في الكانت بتعاين لي مويد بالخفاء.
سحر بغيظ: تعالي تعالي يختي.
ليث عاين لي سحر بصدمة وهي ماسكة مرتو.
ليث بغيظ: يا الله الصبر من عندك.
حسام انفجر ضحك فيه، على الأقل مالك قدر يشيل مرتو قبل سحر تقبضه، مويد وسامر كانو كاتمين ضحكتهم.
ليث بسخرية: اضحكو اضحكو ما تخجلو.
مويد وسامر انفقعو ضحك فيه، ومجد دخل غرفته عاين لي صورتها بحزن وبعداك دخل ياخد دش.
أما ليث مشى غرفتو قرر يستحمى ويفكر كيف ياخد مرتو من سحر.
دخل الغرفة ورماها في الأرض تحت صوت ألم بتاعها في غرفة المعاناة.
دايمون: عشان الليلة كنتي مطيعة ما حربط رجلك ويدك.
نازلي عاينت ليه بتعب وقرف منو، دايمون خلاها وطلع وقفل الباب، والباب والغرفة كانت مصنوعة من حديد.
نازلي دموعها نزلت، دائماً لمن تقعد براها بتبكي عسى إنه البكاء يخفف عنها العاشته.
نازلي بزعل ودموعها نزلت: وينك يا مجد، هل استسلمت تفتش عني أنا أنا.
وما كان بتسمع في الغرفة غير شهقاتها الحتكسر الحجر من الألم العاشته.
مشى لي الأداة بتاعو وابتسم بخبث، وقبل ما يشغلو جاهو كامل بتوتر.
دايمون: في شنو؟
كامل بخوف: الأسود هجمو على الفيلا الليلة.
دايمون وشو بقلب أحمر: وكيييف ما وريتوني.
كامل بخوف: سيد دايمون كان التحرك لمدة عشرة دقائق ووقف.
دايمون عاين لي الأداة وقفلو واتحرك على برا بغضب وطلع، وطلع معه كامل، القفل الأنوار وطلع واتقفلت.
رجعت الغرفة بعد أخيراً سحر فرجت عنه، راقبتو وهو بصلي كان طالع سمح سماحة، خلص صلاتو ورفع وشو لقاها سرحانة فيه، ابتسم بحب.
ليث بحب: سمح قدر ده.
زينة ببسمة: أكتر من ما تتخيل.
ليث باسها بين عيونها مسافة وبعداك عاين ليها بحب.
زينة: جعان، أكب ليك أكل.
ليث: تو تو، عايز أنوم بس في حضنك بس.
زينة: طيب دقيقة أغير ملابسي طيب.
ليث قعد في السرير وبقى منتظرها لحدي ما طلعت وعاين ليها بحب ورقد في حضنها الما بقدر ينوم من غيره، الأربعة سنين دي كلها نامو على كدا، زينة صحت بخوف زي كل مرة من الحلم وكانت معرقة، كأنه في زول بسكها، دموعها نزلت بتعب، دخلت الحمام.
لبست الهودي بتاعتها وطلعت برا، قعدت في الكنبة وهي بتتزكر الحلم بتاعها وأخوها ونامت بدون ما تحس.
صحت بأصوات جنبها، فتحت عيونها لقت ليث ومالك ومجد ونور بعاينو ليها بقلق واضح.
نور بقلق: زينة حبيبتي انتي كويسة.
زينة وهي بتحاول تقوم وتستعدل نفسها وهزت ليه نور راسها.
مجد بخوف: شوفتي الحلم تاني؟
زينة عاينت ليهم ودنقرت راسها، مالك عاين ليها بنكسار على حال بتو الوحيدة، وليث بعاين ليهم، ومالك ومجد الاتنين فهمو نظرتو.
قبل ما زول يتكلم ود طلعت من الغرفة وعاينت ليهم باستغراب وشافتهم متلمين حول زينة، عرفت إنها حلمت تاني، مشت ليها بقلق.
ود: زينة انتي كويسة؟
زينة ابتسمت ليهم وهزت ليهم راسها، مالك باس راس بتو وأشر لي ليث ومجد يتبعو، وتبعوهم تحت أنظار النسوان المستغربين.
نور: زينة امشي استحمي وصلي عشان أعمل ليكم الفطور.
زينة: حاضر.
نور وود دخلو المطبخ بقو يعملو في الأكل.
مجد وليث كانو بعاينو لي مالك بغموض.
ليث بخوف ووجع على مرتو: لبتين يا مالك حنسكت، لازم تعرف الحقيقة.
مجد: أي يا بابا سكتنا كتير.
وقبل ما مالك يرد سمعو صوت تلفونه، مالك مسك تلفونو ولقاه عمران، مالك رد وفتح الإسبيكر.
مالك: نعم يا عمران.
عمران: شيطان، أها عملتو شنو.
مالك حكى ليه كل شي.
عمران باستغراب: بت؟ شكلها مأخوذة.
ليث: ده متوقع طبعاً لأنو جاريه كان زي الحمار.
عمران همهم ليهم وبفكر في يعمل شنو.
عمران: زيتريكس.
مجد: نعم.
عمران: حتراقب البت وحتمشي تتستفسر عنها أي شي.
مالك: ولو طلعت بتعمل مع دايمون.
عمران: انت عارف الرد كويس يا مالك.
مالك همهم وقفل التلفون، وبقاو يعاينو في مالك.
مالك بتغير الموضوع: طلعوهم انتو الاتنين يفرقو، وأنا حأطلع مع نور.
مجد بخبث: ماشي مع نور ويين؟
مالك بغيظ: أها يا سحر رقم اتنين.
مجد انفجر من الضحك على أبوه، وطلعو من الغرفة وكلمو الناس كلها تجهز.
زينة كانت متحمسة، لبست ليها بنطلون جينز أسود وتوب أسود وجكت من الجلد وعملت شعرها زيل حصان وطلعت خصلتين وعملت ليها مكياج سنبل، عاينت لنفسها برضاء عن نفسها، اتعطرت وقبلت واتخلعت لمن لقت ليث واقف وبعاين ليها.
زينة بخلعة: ليييث وقفت لي قلبي.
ليث بهمهمة: أممم، ما نفسك تغيري اللبسة دي لأنو مطلعاك حلوة وأنا بغير.
زينة وهي بتعمل عيون الأطفال ديك: بليز ليوث، اللبسة دي عجباني شديد.
ليث وهو شايف الفرحة في عيونها، حيعمل المستحيل عشان تفضل مبسوطة.
ليث: البسيها بس البعاين ليك حأقتلو.
زينة حضنتو وضحكت فيه: أنا بحبكككك ليييث.
ليث ببسمة: وليث بموت فيكي حبيبي، يلا نطلع عشان ما نتأخر على الباقين.
زينة هزت ليه راسها ومسك يدها وطلعو، لقاهم كلهم قاعدين ومنتظرنهم.
ود: حمد لله على السلامة سنة.
مجد: سنة بجد.
في: زينة طالعة حلوة.
زينة ببسمة حب: وانتي الحلوة في.
مالك وهو بمسك يد مرتو: القاكم بعدين، ما تتأخرو.
وطلع واستغربو كلهم إنه سحر ما اتكلمت، عاينو ليها لقوها بتخلط مع حسام، ليث ابتسم بخبث ومشى ليها وحشر راسه بيناتهم.
سحر بخلعة: الله يقطع إبليسك يا زفت انت.
ليث بحاكيها: بتقول في شنووو؟
سحر بغيظ: ولا شي.
ليث بخبث: متأكدة يا سحورة.
سحر بغيظ وعايزة تضربو: ليـــــــث.
ليث زح منها وانفجرو كلهم ضحك عليهم، ليث انتقم من البتعملو فيه، بعداك اتحركو كلهم على العربيات واتقسمو على عربيتين، دقائق ووصلو المول، كلهم نزلو بحماس وبدو يتحركو، وأثناء ما هم ماشين.
ود حست في زول بعاين ليها، بقت تتلفت لحدي ما شافت الزول البعاين ليها، كان لابس طاقية الهودي ومغطي خشمو وما كان ظاهر في وشو غير عيونه، وهي ما قدرت تشوفه زي الناس.
عاينت ليه باستغراب، وهو أول ما شافها عاينت ليه ابتسم والابتسامة ظهرت في عيونه، ود بلعت ريقها بخوف من الزول المريب ده، حست في زول بيخت يده على يدها، قبلت لقتها زينة.
زينة: ود انتي كويسة؟
ود وهي بتعاين لي الراجل المقنع، النظرو زح منها ومشى لي زينة، بلعت ريقها ورجعت عاينت لي زينة البتعاين ليها باستغراب.
ود: أيوا يا زينو أنا كويسة، ارح نمشي قبل ما نضيع دييل.
