منوعات

قصة بنت الاسود

ليث: أخخ الكلب.

مالك بسكات يحسد عليها وما في زول عارف بيفكر في شنو.

مالك: ليث شيلو دخلو البادروم أسيييي، وأديه حقنة عشان يسكت وينوم.

ليث فعلاً مشى شال سامر ودوه البادروم، مالك وزييين دخلو لقو زيينه زي ما هي، لا بتبكي لا بتعاين، كأنها منفصلة من عالمهم.

نبيلة بصراخ: وييين راجلي، انت جنيت يا مالك، ما شايف ولدك المحترم يضرب أخوك.

نور بصراخ جحيمي: ولديييي محترم غصب عنك وعن راجلي، اسألي راجلك عمل شنووو عشان يطلع النمرر.

موييد بغضب: اشرحوو لينا أبوي عمل شنو عشان تعملو كدا، جاوب يا زيين.

زين بغضب: أبوك طلع خائن يا مويييد.

مويد بقبض قميص زين: ابووويي أنضف الرجال، كييف يعني يكون خائن.

زيين بغضب وبزح مويد: أبوكك كان ماشي ياخد أختييي، ديرني أسكت ولا أقول ليك شي، أنا سمعت أبوك بتكلم مع دايمون.

مويد: مستحيــــــل.

زين بغضب: ما مستحيييل، أنا عارف سامر قبليكم كلكم بتعاون مع دايمون، عشان كدا بقول لي مالك ما نتكلم قدامه.

نبيلة بغضب: انت كضاااب يا زيين كضاب.

زينة كأنها استوعبت البحصل وطلعت من شرودها والأثر الكانت فيه.

زينة بغضب: لا سامر خائن.

كلهم عاينو ليها.

نبيلة بغضب: ومنو حيصدقك يا مجنونة انتي.

زينة عاينت ليها بصدمة واتخلعت لمن سمعت مالك.

مالك بغضب شديد: نبيـــــــــــــــله.

وقبل ما نبيلة ترد حست بكف ولقته نور العاينت ليها بشر.

نور بغضب: كله إلا أولادييي.

وبدت تدق في نبيلة.

مويد لمالك: امسسك مرتك حتقتل أمييي.

مالك بغضب: أمك البدتتت وتستاهل، ولو قربت أو لمست نورر اعتبر نفسسسك ميييت يا مويييد.

فجأة كلهم سكتو لمن سمعو صوت ضربة، كلهم قبلو لقوه ليث أو أقصد دراجون الكان بعاين لي نبيلة بنظرة اتمنت تموت ولا تشوفها.

لييث بغضب: لو مالك ما طردكم أنا حطردكم، شيل أمك ولي براااااا.

مويد بغضب: أصلاً ما قاعدين، بس عايييزين.

مالك بغضب: احلم بي أبوك، لأنو مستحييل نخليه.

موييد بغضب: انتو بأي أساس تاخدو أبوييي.

حسام بغضب وأخيراً اتكلم: أساس إنه هو خائن.

موييد بغضب: وانت صدقتهمم.

سحر بغضب: وما يصدقوهم لييي كييف، الاسم دايمون ده عرف مكانه، ولا كأنو ماشين ياخدو زييينه.

مويييد بغضب: وانتي شنو عررفككك.

زيين بغضب: ما لأنيي شوفته.

ود بتمسك في زين عشان ما يمشي يتهور، ومجد بحضن زينة عليه وهو حاسي بالرجفة بتاعه جسمم، ونور بتعاين بغضب، سحر حسام ماسكه عشان ما تمشي تدقهم الاتنين.

ليث عايز يمشي يضرب نبيلة على القالتو لي مرتو بسسس هي مراة في النهاية.

مالك بغضب: وأسي سووووق أمك وبرررا.

موييد بغضب وفي كانت بتعاين ليه بصدمة حست بكسرة جواها، موييد عاين ليهم بحقد كلهم وساق نبيلة وطلعو من البيت.

والكل كان بعاينو بغضب ومالك كله تفكيره إنه لازم يلقى مكان تاني يخت فيه عائلتو.

كانو كلهم قاعدين بهدو وبعاينو لبعض وبعداك بعاينو ليه الأسود، مالك كان بيفكرر يعمل شنو، نور قطعت الكلام ده كلو.

نور: حنعمل شنو؟

مالك اتنهد، هو زاتو ما عارف، زينة عاينت لي الكل بتشوش، راسها تقول الحياة رافضة تخليها تتنفس أو تسعد، كل شوية بمصيبة أكبر من القبلها.

زينة قامت تحت أنظارهم كلهم.

مالك باستغراب: ماشة وين يا زينة.

زينة بتعب: عايزة أنوم، تعبانة شوية.

عاينو ليها بقلق، استأذنت منهم ومشت، وليث طوالي لحقه ما داير يخليها براها تاني.

دخلت بتعب الغرفة ولقت المراية واتزكرت لمن ليث ضرب يدو، قبلت عايزة تمشي تطمن عليه، لقتو في وشها اتخلعت.

زينة بخلعة: خلعتني.

ليث بقى يعاين ليها ساكت منتظر انهياره، عارف زينة أكتر من أي زول، بتحب تقعد براها عشان تبكي، لكن وييين، ده ما حخليها إلا بموتو.

زينة عاينت في يدو لقتو لسه بتنزل دم، مشت سرعة جابت علبة الإسعافات.

زينة بهدو: ليث اقعد خليني أعالج ليك جروحك.

ليث قعد في السرير وزينة في الأرض، مد ليها يدو وهي ابتدت تعالج ليه جروحو.

ليث بهدو: انتي بتعالجي جروحي البتتشفي منو الحعالج جروحك؟

زينة وقفت يدها وبتعاين في يدو بدون ما ترفع راسها، دموع اتجمعت في عينها لكن طوالي مسحتها، كفايه إنها تبكي، كفايه إنها تكون ضعيفة.

ليث زح يدو ورفع راسها بهدو وقومه من الأرض وبقى هو القاعد في الأرض.

ليث: ابكي يا زينة.

زينة عاينت ليه وهزت راسها برفض.

ليث: انتي ما عايزة توريني ضعفك يا زينة؟ أنا ما راجلك ما حبيبك؟

زينة: انت راجلي وحبيبي لكن أنا تعبت من البكاء، تعبت حتى دموعي خلصت، الجرح ده عمره ما حيروح.

ليث: حيرروح بس بعد ما ننتقم، حيروح وحننتقم وحنعيش بسعادة، بس حالياً لازم نبدأ بالخطوة الأولى إنك تحاولي تنسي الحصل والماضي، وكل ما ديره تفكري اتزكري عائلتك قدر شنو خايفة عليكي يا زينة، واتزكريني أنا قدر شنو ممكن أموت لو حصل ليكي حاجة بس.

زينة بخوف: ربنا يطول في عمرك ليث، أنا ما بقدر أعيش بدونك.

ليث ببسمة باس راسها: خشي استحمي وتعالي اقري قرآن، ما تفكري بالحصل ده ممكن عشاني.

زينة عاينت ليه وابتسمت ودخلت الحمام، فتحت الدش وقررت تعمل زي ما ليث قال، بس ما عشانها لكن عشانهم همم.

مجد عاين لي أبوه، هو زين هو بتكلم.

مالك ببسمة شريرة: مجد حتمشي انت وليث حتدي السلام لي دايمون، وقبل ما تطلعو لازم تتكلمو مع البت دي عشان نعرف خطته الجاية.

مجد: طيب.

زين: وأنا يا مالك؟

مالك: حننتظر سامرر يصحى ونشوف هو حكى لويين لي دايمون.

زين هز ليه راسه بهدو، ليث جاهم طالع بعد ما زينة نامت.

مالك: نامت؟

ليث هز ليه راسه: أي، أها حنعمل شنو، حننقل العائلة وين.

مالك: حيفضلو هنا.

ليث: طيب هنا خطر وهو عرف مكانه.

مالك: ما حيقدر يعمل شي تاني، المزرعة بعييدة وهو تقريباً من التحرك الليلة خسر شوية من جنودو.

ليث همهم بتفهم، مالك حكاء ليه الحيعملو.

ليث: طيب نتحرك بتين؟

مالك: بليل الليلة عنده اجتماع، ففي فرصة تقدرو تخشو القصر بتاعه براحتكم.

ليث ومجد هزء ليه راسه.

مالك: وتخلو السماعات في عضانكم وتورونا بالتفاصيل.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى