
زينة باستغراب: ليث ده شنو؟
ليث ببسمة: اصبري شوية زينة.
زينة صبرت دقيقة حتى ليث فك يدها.
ليث: جاهز.
زينة بتوتر وحماس: أييوا.
ليث ببسمة: مع تلاتة حفك ليكي الغماضة.
زينة ابتسمت وليث بقى يعد: 1، 2 ونص اتنين وتلت.
زينة: ليث.
ليث بضحك ومع تلاتة فك ليها الغماضة، زييينه انصدمت لمن شافت المكان كان عبارة عن البيت مزيين بي بالونات أحمر وأبيض، وفي الحيط مكتوب.
5 years خمسة سنوات.
وبجنبه في طربيزة كانت مليانة أكل وكيكة، وفي الجنبه في صورة عرسهم الهي اختارته وعملت ليه براوز، فالثانية دي خلت صدمته وبقت تضحك.
ليث باستغراب: بتضحكي في شنو.
زينة بضحك: حتعرف حتعرف.
ليث ابتسم على ضحكته، وزينة عاينت لي المكان بحب، والبيت كان في الأرض حرفياً مليان ورد وشموع أصناعية يعني مع شمع بنار حقيقية، لا دموعها نزلت، كل شي كان حلو وزي أحلامها، هو حرفياً كل سنة في عيد زواجهم بيعمل ليها حاجة مختلفة ومن أحلامها.
زينة قبلت عليه وضمتو.
زينة بدموع فرح: دي حلوة شديد ليث أنا.
ليث ضماهو عليه وهمس في عضانها: انتي تستاهلي كل حاجة حلوة زينة حبيبتي.
زينة ضمتو، أخيراً حست روحها بعد سنتين من العزاب إنها مبسوطة وبشدة، ما عشان عيد الزواج لا عشان عائلتها ما قصرو معاها وبالذات ليث.
زينة ببسمة ودموع: هو انت عملت ده بتين.
ليث ببسمة وهو ببوس عيونها: عملت تلفون يجهزوها لي، وبالمناسبة دي الشقة الكان فيها زين، يعني ما خنتك.
قال ليها بهظار وغمز ليها وزينة ابتسمت وضمتو.
زينة ببسمة: أنا عارفة وقلبي واثق فيك يا ليث من أول ما لاقيتك في بيتنا داك وأنا واثقة فيك يا ليث.
ليث ابتسم بالذكرة المحببة لي قلبو، مهما مرت السنين ومهما عمل.
Flash back
كانوا قاعدين في غرفة الضيوف بعد استقبلو ضيفهم المقنع.
مالك ببرود: نورت يا دراجون.
دراجون وهو بعاين ليه ببرود مماثل: بنورك يا شيطان، شايف ثقتك فيني كويسة إنك تخليني أجيك في بيتك، أها لو كنت جاسوس.
مالك ضحك ضحكة ما معنى ليها: أنا بحثتك عنك وعندي معلومات انت بحد زاتك ما بتعرف عنها.
دراجون بسخرية: واضح يا شيطان، ما صعب عليك.
مالك ببرود: أها اسمك منو ولي داير تنضم لي الأسود؟
دراجون وهو بقرب من مالك بسخرية: أقنعني إنك ما عارف اسمي الحقيقي يا شيطان، أو أقول يا مالك.
مالك بضحك وعاين لي مجد وزين البراقبو دراجون كانه عدو ليهم.
مالك ببسمة مخيفة: ليييث أو دراجون، العميل رقم 99، أكتر واحد بثق فيه عمران وأكتر واحد واكد بنجز مهماتو بدقة، وأكتر واحد ما محتاج زول يساعدو، إذن انت هنا لي؟
ليث ببرود يقتل عليه: مصلحة.
زين (الفهد) انفجر ضحك فيه.
زين رفع حاجبو عشان لابس القناع ما ظهر لي ليث: كانك صريح شوية.
ليث همهم موافق ليه: طبعاً أكتر شي ما بحبو الكذب، وبعدين أنا ما جاي هنا حبا ليكم والله.
وقبل ما زول يتكلم سمعو صراخ بت.
: زيــــــــــــــــــن حأقتلـــــك المرة دييي.
فجأة كلهم عاينو لي نزول بت لابسة جينز وجكت جلد أسود وعاملة شعرها ضنب حصان، ليث عاين لي الأنثى الجميلة قدامو وهمس لي نفسه: أو حبا فيكم صراحة.
زينة عاينت ليه بغيظ وكانت عايزة تمشي ليه بس انتبهت لي جسم غريب عليها قاعد فالكرسي القصاده وما كان ظاهر من وشو غير عيونو المنتبه ليها.
زينة بتوتر وخوف: أسفة ما كنت عارفة عندكم ضيوف.
مجد أخيراً اتكلم بهدو: اطلعي غرفتك حبيبتي أسي.
زينة هزت راسها وطلعت وهي حتموت من الإحراج، وطلعت وده كلو تحت عيون ليث الحتاكله أكل من جمالها، أول مرة بت تخليه يعاين ليها ويطول النظر فيها.
مالك بانتباه لي نظراتو: دراجون.
دراجون هو برجع لي برودو وعقلو لسه مع البت الجات دي: أها يا مالك اتكلم.
مالك ببرود: حتكون في الأسود بس باختبار صعب عشان أقدر أخت ثقتي فيك.
ليث ببسمة: ده بس طيب، أكيد ما متوقع إنه أخش الأسود ده ساي.
وعاين لي شيطان وبعداك لي زيتريكس الكان عاينو معلقة فيه بس ما اتكلم والفهد البعاين بهدو.
Back
قطع شرودو صوت زينة.
زينة: ليث انت سرحان وين؟
ليث بحب: بتزكر أول يوم شوفتك فيه لمن كنتي عايزة تقتلي زين، ولمن شوفتيني وخجلتي.
زينة انفجرت من الضحك على اليوم داك.
زينة بحب: انت عارف الوقت داك رغم إني ما شوفت وشك بس حسيت بانجذاب ليك، عيونك ورموشك الكانو ظاهريين بس انجذبت ليك.
ليث بحب وهو بضمها عليه وبهمس ليها: وانتي عارفة إنك كسبتي قلبي وعقلي وروحي من الوقت داك، عمري كان ما برفع عيوني في بت ولا بثبت نظري فيها أكتر من دقيقة، بس انتي الوقت داك غيرتي الحاجة دي فيني، جذبتيني ليكي بطريقة ما كنت متوقعة.
ليث بحب: ولمن عرستك من اليوم داك ولحدي أسي عارف شي واحد إنني محظوظ بيك، وإنني حمدت ربي إنني سمعت لي قلبي وهو بقول لي امشي انضم لي الأسود، محظوظ شديد إنني كسبتك.
زينة ابتسمت ليه وعيونها دمعو من كلامه، وليث مسح ليها دموعها وباسه مسافة، وبعداك مسك يدها وزح ليها الكرسي برقة وهي قعدت وهو قعد فالكرسي المقابل ليه، وبدو ياكلو ويتونسو، وبعد خلصو الأكل ليث جاب الكيكة قطعه ليها واكلو، وفتحو ليهم فيلم وبقو يحضروا.
خلصو الفيلم، زينة نامت بدون ما تحس، وليث ابتسم ليها وبقى يتأمل فيها بحب، الشي الوحيد المستحيل يمل منه في حياتو أتأمل فيها، لحدي ما سمع صوتها بتمتم في نومها.
زينة وهي بتقشر وشها: دقيقة يا ليث حأقوم.
ليث ضحك فيها بصوت واطي وحمد ربه إنها بتشوفو في الحلم ما بتشوف دايمون، أخد يتأمله، بعد دقايق شالها ودخل الغرفة وقلع ليها الجكت اللابساه عشان ترتاح في نومتها وختها فالسرير وباس جبهته، وهو قلع جزمتو ورقد جنبها، بقى يتأمل فيها وحمد ربه إنها من نصيبو، دي الجوهرة الكانت في ضلامو بعد خسارة أهله كله بسبب دايمون.
Flash back
خلص شاور بسرعة ولبس قميص أسود وبنطلون جينز أسود ولبس لابكوت أبيض وسرح شعره وكان طالع وسيم بشكل مهلك، دخلت عليه أخته الصغيرة صاحبة الخمستاشر سنة.
: لييوث.
ليث ابتسم ليها بحب ومشى ليها وباسها في راسها.
ليث: عيون وقلب ليث حبيبتي، عاملة شنو إيلو.
ابتسمت ليه بسمة جميلة: أنا كويسة، انت ماشي الجامعة.
ليث ببسمة: أيوا إيلينا، عاوزه حاجة؟
ايلينا ببسمة: لا لا سلامتك.
ليث ابتسم ليها واتعطر ونزل مع ايلينا تحت لقى أخوانه التوام كالعادة بتشاكلو.
ليث بضحك: صباح مشرق مع التوام.
ايمان ببسمة: صباح الخير حبيبي.
ليث ببسمة وهو ببوس راس أمه وراس أبوه: صباح النور يا ست الكل.
ايمان: ماشي الجامعة الليلة.
ليث: أيوا عندي محاضرة مهمة.
ايمان ببسمة: الله يبعد منك أولاد الحرام ويجوك أولاد الحلال يا ولدي.
ليث باس يدها: آمين يارب.
آدم أبوه: كانك ما زودتها يا أبو الليوث.
ليث ضحك في أبوه وغيرتو على أمو وعاين لي أخوانو التوام الكانو عمرهم سبعة سنين، ضحك فيهم وفطرو سوا وودع أهله ببسمة، وما كان عارف إنه ده آخر مرة يشوفهم، ما كان عارف إنه حياته حتتغير 180 درجة من واحد عاش عمره مع أهله زي أي زول طبيعي لي واحد عايز ينتقم لي موت أهله.
Back
عاين لي زينة الاتقلبت في نومها، ضماها عليه بخوف إنه يخسره، كل يوم بخاف يخسره، كل يوم خايف دايمون يقرر يقتله، هي برضو ما حيقدر يستحمل بعدها، ما حيقدر يستحمل، كفايه أهله، ما هي برضو تمشي وتسيبه، حضنه بقوة لمن زينة صحت من الألم.
زينة باستغراب: ليث.
ليث فك من حضنه شوية وعاين ليه بملامح حزينة خلت زينة تصحصح وتقوم من السرير تعاين ليه بخوف.
زينة: ليث حبيبي انت كويس.
ليث عاين ليها بحزن قطع قلب زينة العاينت ليه بخوف، مسكت وشو بيدها بحنان وزحت شعره من وشو وبعداك رقدت وجابت ليه حضنها.
زينة بحنان: ما نفسك توريني مالك.
ليث وهو بهدا في حضنها: بس اتزكرت أهلي.
زينة باسست شعره بحنان: ادعي ليهم ليث، ادعي ليهم، هم ما محتاجين منك غير الدعاء.
ليث بخوف: عارف، أنا بس خايف أفقدك، أنا من الصباح حاسي كانو روحي تائهة، ما فاهم، حاسي في شي غلط حيحصل وشي حيدمرني.
زينة بتمسح يدها في شعره: ما تشيل هم ليث، اهدا، ما في شي حيحصل بإذن الله، المهم انت ارتاح وخليني أشوف لو في شاي مهدي فالبيت ترتاح.
ليث بهدو: لا ما محتاج، أنا بس عايز حضنك كدا.
زينة ابتسمت فيه وبقت تمسح في شعرو مرة وفي ضهرو مرة لحدي ما حست إنه هو نام، ابتسمت ليه بحب وباست عيونه، ودقائق ونامت هي زاته.
كان قاعد وبراقب في ملامح أبوه الكان واضح الاعتراض في وشو.
زين بهدو: بس يا أبوي هم ما عارفين وشي أصلاً.
مالك: زين حتى ولو، دايمون ده لو عرف إنك حي ما بخليك، ما بقدر أجازف تاني، خلي موضوع المؤتمر لحدي ما نخلص موضوع دايمون ده، أنا أصلاً خايف على ليث وزينة الهم برا البيت، ما تزيده علي زين.
زين بحزن وهو بتزكر نبرة ود وحزنها على المؤتمر، عايز يعمل أي شي ولا يشوف نظرة الحزن دي، حتى لو الموضوع مكلف ليه حياته.
مالك عاين لي ولدو بحزن، نفسه يساعدو، نفسه يعمل شي، لكن ما حيضحي تاني، كفايه تضحيتو الأولى إنه كان حيخسرو، كفايه كدا عليه.
زين بقوم ببسمة: خلاص يا مالك ما مشكلة، حأتكلم مع ود.
واستأذن منه وطلع، ومالك رجع ضهرو لي ورا، وكان عنده إحساس سي إنه في شي حيحصل.
دقايق سمع صوت الباب، أذن لي الزول، دخلت مرتو وحبيبتو وكل حياتو، ابتسم لمن شافها جايبة ليه صينية أكل.
مالك بحب: مالك ما نمتي لحدي أسي.
نور ببسمة: ما قدرت أنوم وانت ما في، جبت ليك أكل لأنك ما أكلت في الغدا كويس.
مالك ابتسم ليها بحب وحمد ربه عليها وإنه هي حبيبتو وأم أولادو، نور رغم كبرها بس ما زالت عندها جمال يحسد عليه، ومالك رغم كبره بس هو لسه بحب حب وبغير عليها من كل شي.
مالك مسك المعلقة وبقى ياكل، ونور بتراقب بحب.
