
مالك: ما حتاكلي؟
نور: لا لا شبعانة.
مالك ابتسم ليها وبقى ياكل ونور بتونسو، والاتنين كانهم جواهم إحساس سي حيحصل.
أصبحنا وأصبح الملك لله:
نزلت من الطابق بتاعهم بزهج، حاسة روتينها بقى يتعاد كل يوم، اتحركت على الحديقة وهي ماسكة كتابها المفضل في يدها، اتحركت لقتو قاعد وماسك اللابتوب ومركز، عاينت ليه بإعجاب واضح من الطفولة.
أما هو كان شغال بكل أحاسيسه بحاول يعمل الطلبو منه مالك، وما انتبه لي عيون في الكانت بتراقبو، تعب من اللابتوب وخته فالطربيزة ورجع ضهرو لي ورا من التعب.
سمع صوت من وراه: أوه المهندس بتاعنا.
مويد قبل لقاها أميرتو من هي صغيرة والبت الحبها بسر ومنتظر اليوم اليجي يعترف ليها.
مويد ببسمة: في.
في ببسمة: قاعد شغال بتركيز كدا مالك.
مويد ببسمة: شغال عشان مالك طلب مني شي.
في همهمت ليه وهو عاين ليها بتركيز وسرح في ملامحه البتشبه الأطفال وشعرها البني الفاتح وعيونها السودا، سحرتو؟ أي ممكن تقولو كدا، لكن ما سحرتو من أسي، لا سحرتو من هم صغار، وهو بحب في وكل شي متعلق بي في، ولحدي أسي أيام جامعته كان بزح أي زول بيقرب منها لأنه هي بتاعتو براه، ومنتظر ده كله يخلص عشان يعترف ويتقدم ليها.
في كانت بتعاين في كل شي ما عدا وشو، وهي شايفة نظراتو، قلبها كان بيدق بسرعة بطريقة مرعبة، حست حجيها حاجة لو قعدت معاه كدا، قامت واستأذنت منو وجرت، مويد عاين ليها وانفجر من الضحك على خجلها.
مويد بهمس وبسمة: حتعملي فيني شنو أكتر يا في.
صحت ب يده، فتحت عيونها بنعس لقتو هو.
ليث ببسمة: زينو يلا قومي عشان نرجع بعد دخ.
زينة عاينت ليه ببسمة وقامت دخلت أخدت ليها دش يصحيها، بعداك اتوضت وصلت ولبست بنطلون أسود وبلوزة سودا وجكت جينز وخلت شعرها فاكي، وطلعت لقت ليث عمل الفطور، حضنتو من ضهرو.
زينة: صباح الخير ليث.
ليث وهو بقبل عليها ببسمة حب وهو ببوسه في خدها بحنان: صباح الخير يا كل الخير انتي.
زينة ابتسمت ليه ابتسامة.
ليث بحب: يلا اكلي عشان نرجع، عشان ما عارف لي مالك مقلق من الصباح.
زينة باستغراب: ماله.
ليث: ما عارف قال عندو إحساس سي في حاجة زي الإحساس الجاني امبارح.
زينة عاينت ليه باستغراب، قعدو ياكلو تحت تشغيلات وغزل ليث ليها وهي بتضحك فيه، خلصو ولمو الأكل ونزلو، زينة اتزكرت الهدية.
زينة: صحي ليث.
ليث: أها؟
زينة: ما نفسك تشوف الضهرية بتاعتك؟
ليث باستغراب وهي عاينت ليه بحماس، مشى يشوف في شنو، فتح وانصدم من الهدايا القدامو، عاين ليها بصدمة وعاين لي زينة البتعاين ليه بحب.
ليث بصدمة: متين قدرتي.
زينة بضحك: امبارح لمن أنا ومجد أخدنا عزر نازلي.
ليث ببسمة: عشان كدا ما كنتو ديريني امشي معاكم.
زينة ضحكت فيه وهو جاء ضماها: لي عزبتي روحك زينو، حقيقي انتي هديتي ما كان في داعي.
زينة بحب: انت تستاهل أكتر ليث.
ليث ابتسم ليها بحب: خلاص خلينا نرجع عشان أنا متحمس أعرف الهدية.
زينة هزت ليه راسها بحماس وركبو العربية واتحركو لي جهة البيت، بعد ربع ساعة ليث انتبه إنه في عربيتين ماشين بوراهم من لمن طلعو، استغرب وزاد سرعتو وبقى ماشي بين العربات عشان يضللهم، بس هم لسه بوراهم، زينة لاحظت لي سرعة ليث الزادة.
زينة باستغراب: ليث زائد السرعة.
وقبل ما تتم كلامها أو ليث يتكلم حسو بضربة في ضهرية العربية، زينة عاينت بورا بخوف وهي شايفة العربية بتضرب عربيتهم، وفجأة حست بضربة قوية من جهتهم.
زينة بخوف: ليييث.
ليث كان بيحاول يطلع من تصادم العربيتين وكله خوفو على زيينه، وزينة العربية الجمبها بقت تضرب في عربيتهم بأقوى، وليث حاول يزح منهم وزينة بتصرخ من الخوف، فجأة حسو بالعربية البتضرب من جهة زينة زحت.
وكان في منعطف وقبل ما زول يفهم شافو عربية ماشة بسرعة اتجاهم، فجأة حسو بضربة قوية بجهة زييينه خلت العربية بتاعتهم تطلع من الطريق الرئيسي، وعربيتهم ضربت فالحيطة، وأصوات الناس ببتكلم والعربات بتضرب بوري.
(لا حولا ولا قوة إلا بالله)
(حادث يا خونا)
(الحقو العربية في ناررر، العربية بتولع)
كانو بياكلو بهدو، نور قامت مشت المطبخ عشان تزيد من الأكل، وأثناء ما هي بتكب حست بطعنة قوية في قلبها، ختت يدها في قلبها، حست إنه في شي حصل، الطعنة دي ما جاته غير لمن زينة وزين اتخطفو.
عاينت لي أولادها القاعدين ما عدا زينة، حست في شي، الصحن وقع من يدها وهي ما اشتغلت بيه، ومشت لي مالك الشاف وشها شاحب بطريقة ما عادية.
مالك بخوف: مالك يا نور.
كلهم رفعو راسهم عشان يشوفو نور.
نور بخوف: مالك وين ليث وزينة، أنا قلبي ما مطمن، حاسة في شي، عليك الله اتصل ليهم.
مالك: نور نور حبيبتي، اتصلت ليهم وقالو جاين.
نور بدموع: لا اتصل بيهم أسي، خليني أسمع صوتهم، خليني أسمع صوت زينة، عليك الله يا مالك، حاسة في شي، حاسة بتي حصل ليها شي.
مالك والكل كانو بعاينو ليها بصدمة، عارفين إحساس نور لمن يكون في شي حاصل مع أولادها وبطلع صح.
مالك: خلاص روقي نور، أسي مجد يضرب ليها.
وعاين لي مجد الفهمو وطلع تلفونو واتصل لي ليث، التلفون مقفول، مجد عاين لي مالك بتوتر وخوف شديد.
مالك: في شنو مالو ما برد.
مجد بخوف: تلفونو مقفول.
نور انفجرت من البكاء حاسة إنه حتموت من الخوف، ومالك عاين ليها وبقى يهدي فيها.
ود وهي بتعاين لي زين: زييين.
كلهم قبلو على زين لقوه بالعافية قادر يقيف.
زين بخوف: زينة.
كلهم عاينو ليه باستغراب وما سمعو قال شنو، ود جرت ليه بخوف: مالك يا زين.
زين: زينة حصل ليها حاجة، أنا ما قادر أتنفس، ده أول مرة أشعر بكدا.
كلهم عاينو ليه بخوف، ونور الانفجرت من البكاء في حضن مالك، ومالك البدعي إنه ربنا يحفظ ليه بتو وراجله، وأشر لي مجد يحاول يوصل ليهم، ومجد بقى يحاول.
دخان كتير جو العربية، كان واعي بيه لكن ما قادر يقوم من الجروح، سمع صوت ناس ببتكلم وبتحاول تخش العربية، أما هو قبل جهتها لقاها مغمي عليها وجروحها أكتر من جروحو، وفي قزاز دخلت بطنها والدم في وشها والدخان في وشهم.
ليث بتعب وخوف: زي زييينه.
بس لا رد، ليث بحاول يقوم ليها بس حس بي الباب الجمبو راجل بحاول يطلعو.
راجل: لوسمحت لازم نطلعك العربية حتتفجر ف أي لحظة.
أما ليث ما كان بسمع ولا بحس وهو شايف زينة، عايز يطلع وبقى ماشي لي جهة زينة والراجل بكورك فيه.
ليث بخوف ومتخطي الألم الفي جسمو: زينة زينة حبببتي سامعاني.
أما زينة كانه روحها غادرت جسمها، وليث بقى يحاول يطلعه والراجل بقى يحاول يطلع فيه وهو كم راجل، وبهناك الناس بتحاول تفتح باب زينة قبل ما العربية تنفجر.
ليث ببكاء وانهيار: ابعدو عنييييي، ما حطلع بدوووونها، سامعنييي، زيييينههه افتحييي عيييونك عليك الله، حنطلعععع تمام حبيبتي بس حاولي.
ومشى مرة تانية بقى يحاول يطلع جسم زينة الكان عالق في كومة القزاز والطوب الدخل ليها مع ضربة العربية في الحيط، دقايق واحد نجح يفتح الباب من جهته وبقى يساعد ليث إنه يزح الطوب من عليها، خلصو.
الراجل الساعدو: أنا حشيلها وانت اطلع أسييي عشان العربية حتتنفجر.
ليث عاين ليه ولقى ما في حل غير يثق بيه، فعلاً الراجل شال زينة وليث وطلع.
الراجل: اجررووووو، العربية حتتنفجررر أسييي.
في واحد سند ليث وجرو لابعد حتة، فعلاً دقيقة وسمعو صوت انفجار من ورا، ليث عاين لي عربيتو وبعداك مشى لي زينة الكانت ختوها في الأرض، مشى ليها بنهيار حس روحو بتنهار وهو شايفه كدا، مشى شاله من الأرض وحضنه عليه.
ليث بخوف وقلبو حيقف عليها: زينة زينة حبيبتي افتحي عيونك عليييك الله، ما انتي ما انتيييي ما انتي برضو حتسيبيني، يرضيكي كدا زينة.
الناس بقت تعاين ليه بشفقة، دقايق والكل سمعو صوت إسعاف، ليث شالها ومشى ختاها برفق في السرير وجرو سريرها لي العربية وليث دخل معاهم، والممرضين بدو يفحصو زينة وليث حس روحو حايغمى عليه في أي لحظة.
الممرض: محتاجين نديها أكسجين، الأكسجين حقها واطي.
الممرضة ختت قناع في وش زينة وبقو يعالجو فيها ويطلعو القزاز الفي بطنها، أما ليث براقبهم وبعاين لي زينة كأنو روحها طلعت، اتزكر أهله ف اللحظة دي، اتزكر موتو ووحدتو.
Flash back
كان سايق بتعب بعد يوم طويل في الجامعة، رجع البيت لقى تجمع غريب في بيتو، قلبو مسكو، نزل من العربية عايز يشوف تجمع الناس، فجأة سمع كلام الناس.
(لا حولا ولا قوة إلا بالله، الحريق ما خلى زول فالبيت)
(يحليلهم، كانو أهل طيبين، آدم ومرتو كانو طيبين)
ليث قلبو وقف وهو بسمع الكلام ده، ودخل جو الجمهور الواقف وانصدم لمن لقى البيت بتاعو متفحم وما فيه أي شي.
ليث بصدمة لدرجة رجلو ما شالتو: أهلي أهلي وين.
ومشى اتجاه البيت بس في راجل منعو: دكتور ليث ما ينفع تدخل.
أما ليث ما كان حاسي بزول غير داير يشوف أهله، أمو أبوه ايلينا والتوام.
ليث بصراخ: ابعد عنييييي أهليييييي.
الراجل بصراخ: إن لله وإن إليه راجعون، أهلك ما في زول نجاء من الحريق يا دكتور ليث.
ليث بقى يصرخ وذكريات أهله كلها بتمر قدامهم، خسرهم كلهم، خسارة ما في زول حيقدر يستحملها، وهنا بدأ انتقام ليث.
Back
قطع زكرياتو، وقف العربية عاين لي زينة وبعداك عاين لي الممرضة البتتكلم معاه وهو ما فاهم شي، نزل ليث وبعداك نزلو سرير زينة الكانو جارنها وليث ماشي بوراهم وبعاين لي زينة وزكرياته كله معاها.
(أنا بحبك ليث، انت أحن راجل في الدنيا)
(أنا بقبل أتزوجك ليييث)
(ليييييث شوف شوووف عملت شنو)
(ليث إياك عينك تقع في بت غيري عشان ما أقتلك انت وهي)
(ليث أنا بحبك وأنا قدر كيف محظوظة إنك انت راجلي)
(ليث هو انت ممكن يجي يوم وتوقف عن حبك لي)
صوتها كان عالق في راسو، زكرياتها معاهو كان عالقة في راسو، زينة كانت البت الوحيدة الحبها والوحيدة الحيعمل كل شي عشانها.
عاين لي سريرها الدخل غرفة العمليات، وقع في الأرض بعد ما رجلو حس بيها ما حتشيلو، دموعو نزلت.
ليث ببكاء يكسر القلب: ما تسيبيني يا زينة، ما عندي غيرك، يا الله ما تحرمني منها، ما بقدر أعيش بدونها.
حس بيد زول، رفع راسه لقاها ممرضة بتعاين ليه بإعجاب خفي.
ممرضة: لوسمحت لازم تعالج جروحك لأنك نزفت دم كتير.
ليث عاين ليها كأنها ما بتتكلم عربي، حس راسو لغاء كل شي ف لحظة.
ليث بتعب وهو بتزكر مالك: عادي تلفونك.
ممرضة عاينت ليه باستغراب لكن طلعت ليه التلفون، وهو فتح محل الاتصال وكتب الرقم واتصل.
كانه كلهم قاعدين والقلق في قلوبهم، ما في زول عارف زينة وليث وين وتلفوناتهم الاتنين مقفولين، مالك قام من الكرسي بعد غلبو الصبر.
مالك: أنا حامشي أشوفهم بعد ده.
نور وهي بتقوم من جنب نازلي وفي الكان معاها بيحاول يهدوها: أنا جايه معاك يا مالك، أنا عاوزه أشوف بتي.
مالك: يا نور اهدي، ما في شي.
وقبل ما يكمل كلامه أول زول يتكلم، تلفون مالك اتصل، نور عاينت ليه تلفونو بلهفة على أساس ده بتها.
نور: رد وافتح إسبيكر.
