
مالك هز ليها راسه وطلع تلفونو وكان رقم غريب، استغرب لكن إحساس جواهو بقول ليه رد.
وفعلاً رد وفتح إسبيكر.
مالك: الو.
ليث بتعب: مالك أنا ليث.
مالك بخوف من صوتو: ليث وين انتو، حتجننوني من قبيل بتصل عليكم، وينكم ولي تلفوناتكم مقفولة، وانتو وين ووين زينة.
ليث: مالك نحن عملنا حادث وزينة في غرفة الطواري وحالتها خطيرة.
ساعة بس كانت أربعة عربات وقفت قدام المستشفى، نزل منها بخوف ورعب، حيقف قلبه على بتو وهو داخل المستشفى وبيردد كله بسببي كله بسببي، ونور البوراهو وقلبها حيقيف خوف على بتها، حست روحه حتقع بس في ثبتتها.
مجد كانت حالتو لا يعلم بيها إلا الله وهو جاري، أما زين كان ساكت وماشي بهدو، خوف ود عليه بقو ماشين وما في زول فيهم عارف ماشي وين، ومويد الوحيد الكان قادر يفكر وسأل ممرضة.
مويد: لوسمحتي في حادث حصل وجوه فيه اتنين اتصابو.
الممرضة بحب لي سماحتو: أيوا في غرفة الطواري آخر الممر ده على يدك الشمال.
مويد شكره وقال ليهم يتبعو، وفعلاً مشو معاه لحدي ما وصلو ولقو ليث قاعد في الأرض كأنه لا حياة لمن تنادي، مالك عاين ليه بخوف ورعب عليه، جراه ليه.
مالك بخوف: لييييث.
ليث عاين لي مالك بدون روح ولا إحساس بس دموعو نزلت، دموعو خلت الكل يخاف حسو زينة فيه شي.
نور ببكاء: ما قالو حاجة عن زينة.
ليث بدموع: ما عارف، ليهم ساعة جواء، ما في زول داير يطمنني.
مالك حضن ليه عليه وقلبو بموت من الخوف على بتو الجواء، وليث ما قادر يستحمل ألم جسمو وقلبو.
ود عاينت لي زين البعاين لي غرفة الطواري بدون إحساس، لا بكاء لا صراخ ولا عمل أي شي، بس قاعد كدا، وده المخوف، ود عليه.
ود ببكاء وهي بتقرب عليه: زين ابكي اصرخ بس ما تكون ساكت كدا، ما تخوفني عليك.
زين دموعو نزلت وما عاين ليها، كان حاسس بوجع شديد في قلبو، تومتو جوا وما في زول عارف عنها شي، وود عاينت ليه وحضنتو.
زين ببكاء ووجع قلب: زينة يا ود زينة أنا أنا.
ود حضنتو بكت عليه وعلى صحبته الجواء، زينة ما كانت مجرد بت خالته، كانت أخت كبيرة ليها.
زين انفجر من البكاء، ود بتحاول تهدي، أما مجد كان واقف بعاين فالغرفة ودموعو بتنزل على أخته الوحيدة، حس بيد بتتخت في كتفو رفع عيونو لقاها نازلي البتعاين ليه بدموع، ضمتو عليه، أما هو قعد يبكي خايف يخسر أخته الصغيرة، ونازلي دموعه بتنزل بتحاول تقوي روحه عشان مجد، ولكن هي بتموت عشان صحبته.
أما نور كانت بتبكي في حضن سحر على بتها، ما في زول حيقدر يحس بي المها، ما في زول حيقدر يحس بي ألم الأم.
أما مالك حاضن ليث عليه وعينو وقلبو على باب الغرفة بتو الوحيدة.
مويد عاين ليهم كلهم بحزن، رفع عيونو عاين لي في الكانت واقفة براها وبتبكي، مشى ليها.
مويد: ما تخافي حتكون كويسة إن شاء الله.
في بوجع: يارب.
مويد ابتسم ليه بسمة طمنته ومشى، وفي بقت تعاين ليه وابتسمت وبعداك قعدت ودموعه لسه بتنزل على زينة، مرت ساعات ما في زول عارف كم وهم منتظرين يطمنو على زينة، فجأة سمعو صوت فتح الباب، كلهم قامو بخوف.
نور ببكاء: بتي يا دكتور.
دكتور: الساعات الفاتت دي كلها كان وضعه خطير والاصابات في كل أنحاء جسمها كانت في مكان خطير، لولا لطف ربنا إنها اتخطت مرحلة الخطر وما في خطر عليها، بس في شك بسيط.
كلهم عاينو ليه بقلق من الشك ده.
مالك بخوف: شك شنو يا دكتور.
الدكتور: احتمال رجلها ما تقدر تقيف عليها قريب بسبب الجروح، وإنه لا قدر الله إنها تتشل، لكن لفترة بسيطة مع استمرار، المهم بعد شوية حننقله غرفة عادية.
ليث دموعو نزلت وكلهم عاينو لي الدكتور بصدمة من كلامو، نور حست روحه ما قادر تقيف وكانت حتقع لولا مالك مسكه وحضنه عليه، وليث عاين ليهم بتشوش وراسه تقيل بس استحمل.
ود: بس تصاب بشلل ما نسبة كبيرة صح؟
الدكتور: ما معروف والله، لمن تصحى حنعرف، عن إذنكم.
ومشى، مجد وقع من طولو ونازلي جرت ليه، أما زيين اتحرك برا المستشفى وود ومشت بوراه، نور بكت بحرقة على البحصل ليه بتها ومالك ضميها عليه وعيونو قلبت أحمرر من الزعل، ليث عاين ليهم وحس بضعف شديد في رجله وراسه كان تقيل، فجأة الدنيا ضلمت وآخر شي سمعه صوت مالك.
مالك جرا برعب علييه ومويد بقى يصرخ إنه يجيبو دكتور أي شي، جابو سرير وشالو جسم ليث ودخلوه غرفة الطواري الجنب حقت زينة، مجد عاين برعب حس جسمو بقى ما شايلو، قلبو حيموت رعب على أخته وأسي ليث صاحب عمره العمرو ما سابه ف الأوقات الصعبة.
نور انهارت في يد سحر الكانت بتبكي، وفي ثواني بس سمع الكل صوت باب غرفة زينة بتفتح، مجد قام من حضن نازلي القامت برضو، ونور القامت من حضن سحر، وفي ومالك جو وهم شايفين سرير زينة وزينة الكان وشها وجسمها كله ضمادات، مالك دموعو نزلت على بتو.
مالك ببكاء وهو بمسك يدها وبمشي بوراها: سامحيني يا بتي، ده كلو بسببي، ما كان لازم أدخل اللعبة دي مع دايمون، كان لازم أفكر فيكم أول.
مجد حضن أبوه وهو دموعو بتنزل، في دقايق زينة اختفت من قدامهم.
طلع بتعب وهدو، وود كانت ماشة بوراهو، وصل الجنينه بتاعه المستشفى وقعد، وحس بيها بتقعد جنبو، وبعد قعدت خت راسه في حجرها ودموعو بتنزل، وود عاينت ليه بحزن وزعل عليه وعلى زينة، مشت يدها في شعره وما اتكلمت، تديه الفرصة يطلع حزنو بهدو، وزين ببكي وبتزكر أخته وزكرياتو معاها، دموعو نزلت لحدي ما اتحولت لي شهقات من البكاء، وود عاينت ليه بحزن وضمتو عليها، وزين بكاء ما اهتم بالناس الحولو، ما اهتم بي أي زول.
بكاء بسبب إنه تعب، وهو كل يوم أخته التوام بيحصل ليها بكاء بسبب عدم قدرتو إنه يساعد أبوه، بكاء على عدم قدرتهم إنه يقتلو دايمون، أسي بكاء واحتمال إنه زينة ما تقدر تمشي قتلو، وود عاينت ليه ودموعه بتنزل.
ود ببكاء: ما تخاف زين، ربنا كريم وزينة حتكون كويسة.
زين ببكاء: خائف تصحى ما تقدر تمشي، ما حقدر أستحمل نظرته، ما حقدررر يا ود.
ود انفجرت من البكاء معاه، قلبها واجعة على زينة، كانو الحياة رافضة تخليها تعيش بسعادة.
مرت الساعات وليث وزينة بقو كل زول في غرفة عادية، والناس انقسمت لي نص القاعد مع ليث والقاعد مع زينة، والاتنين ما راضين يصحو، مالك كان بعاين ليه زينة بحزن وهو بدعي إنه ربنا ما يختبره فيها وبيدعي إنه كلام الدكتور ما يكون صح.
مالك قام على حيلو وطلع من الغرفة ومشى غرفة ليث حيث كان قاعد مجد ومويد، بعد اطمنو على زينة دخل بتعب وعاين لي جسم ليث.
مالك بتعب: ما في مؤشر إنه يصحى.
مجد: ما عارفين، الدكتور بس بيجي بقول إنه صحته كويسة وحيصحى في أي لحظة لكن ما معروف بتين.
مالك هزء راسه وقعد في الكرسي وكان تعبان جسدياً ونفسياً وبفكر في الحادث ده.
مالك بتفكير: أنا حاسي الحادث ده كان مخطط ليه.
مجد: كيف؟
مالك بغموض: ما عارف، عندي شك كبير إنه الحادث ده كان من يد دايمون.
مجد ومويد عاين ليه بغموض.
مجد بجدية: ده حنعرفو لمن ليث يصحى.
مالك برعب وغل: أقسم بالله لو اكتشفت إنه الحصل ده بسبب دايمون، حيكون فتح على نفسه أبواب الجحيم.
مجد ومويد عاينو لي بعض وثم عاينو لي مالك.
وقفت العربية قدام المزرعة ونزل هو بكل هدو واتسلل في المزرعة بدون ما تلتقطو الكاميرات، ونزل لي البادروم وفتح الأنوار، وكان في وشو ابتسامة عريضة وهو شايفهم مربطين.
سامر فتح عيونو بوجع وهو بسمع صوت رجلين بعد الضرب الأخدو من ليث، وانصدم لمن شاف الزول الواقف قدامه، أما الزول ابتسم.
: ازيك يا سامر، ما اشتقت لي.
سامر بخوف ورعب حقيقي: دايمون صدقني نحن ما قولنا حاجة ليهم، ما تخاف.
دايمون ببسمة خبيثة وشر: أنا عارف.
دايمون بخبث: عشان كدا زعلان لأنو حأخسر اتنين زيكم للأسف.
سامر عاين لي نبيلة المغمي عليها وعاين ليه دايمون بخوف: بتقصد شنو يا دايمون؟
دايمون بخبث وهو بعاين لي البادروم: قصدي إني بقيت ما بحتاج ليكم يا سامر، يعني خدمتكم عندي انتهت.
دايمون قبل ليه ومسك وش سامر بهدو وعاين ليه بخبث واضح في عيونو.
دايمون وهو بهمس في عضان سامر: وخدمتكم انتهت من الحياة للأسف.
وقام على حيلو وشاف وش سامر الشحب بطريقة ما عادية، ودايمون عاين ليها وضحك، وبعد خلص ضحكتو طلع أداتو من جيبو وعاين ليه سامر البعاين ليه بصدمة.
سامر بخوف: طيب أنا عملت كل شي، أنا خونت أخوي عش.
