
بقت تكتشف هي وين وتحاول تتزكر الحصل شنو بس راسها كان تقيل لدرجة ما بتتصور، كانت ديره تتكلم بس القناع بتاع التنفس كان في وشها وهي ما قادرة تقلعو، بقت تعاين ليهم بتعب وعاينت لي ليث الكان راسو ملفوفة بشاش ووشو فيه ضمادات، واتزكرت الحادث العملوه، كانت عايزة تقوم بس حست بألم فظيع في جسمها.
ود انتبهت لحركة سرير زينة وانصدمت لمن شافته فتحت عيونها.
ود بفرحة: زيييينه.
كلهم قبلو على زينة، ليث مشى بسرعة عليها بلهفة.
ليث بفرحة: زينة انتييي كووويسة.
مالك جاها ودموعو نزلت على بتو، فجأة لقتهم كلهم قاعدين فوق راسها فالسرير.
مويد: أنا حنادي الدكتور.
وفعلاً طلع، زينة عاينت ليهم بحب وابتسمت ليهم وهزت راسها عشان تطمنهم، مع إنها كانت حاسة بوجع ما طبيعي في جسمها، دقيقة وجاء الدكتور بدا يفحص فيها تحت أنظار الكل.
ليث بتوتر: دكتور كل شي كويس.
دكتور ببسمة: أيوا الحمدلله، بس ديرين نتأكد من الشك بتاعنا لكن ما أسي.
كلهم عاينو وعاينو لي زينة العاينت ليهم باستغراب وتعب، الدكتور طمنهم وطلع، وكلهم بدعو إنه ما يطلع الشك بتاع الدكتور صح.
مالك رجع اتجاه زينة وباسه في راسها بحنان: حمد لله على السلامة يا بتي، انتي ما عارفة قدر شنو قلقتينا.
زينة ابتسمت ليه أبوها بحب، زين جاء عليها وباس يدها وراسها.
زين بحب: الله لا يورينا فيك شي زينو، أنا كنت حموت من بعدك.
زينة ربتت على يدو نسباً إنها ما بتقدر تتكلم مع قناع الأوكسجين، وكلهم بدو يسلمو عليها لحدي ما جاء دور مجد العاين ليها بحب ودموعو نزلو.
مجد بحب ودموع: خوفت أخسرررك، خوفت أخسر دلوعة البيت وأختي وأميرتي، ربنا لا يوريني فيك شر زينو.
زينة دموعه نزلت على حنان أخوها الكبير، ليث كان بعاين ليها بحب، زينة ابتسمت ليه وقعدو كلهم بفرحة، ونور حلفت تزح من جنب زينة، وزينة بتراقب فيهم بحب وبتضحك معاها.
نازلي كانت بتعاين ليهم بحب، جمعتهم دي اتزكرت أهلها، اتزكرت أخوانها، اتزكرت حبوبتها، كلهم خسرتهم في لحظة واحدة بسبب حقد عمها، خسرت عائلتها لكن كسبت عائلة تانية، صح غابت عنهم سنتين غصب عنها بس عمرهم ما تغيرو بمعاملتها، نور كانت بتعامله زي زينة واحد ومالك برضو، ابتسمت بحب ليه، فجأة حست بيد زول في وسطها، رفعت عيونها ومنو غيروه حبيب القلب وزوجها.
مجد عاين ليها بحب وهمس ليها: حبيبي سرحان في شنو؟
نازلي بحب وهي بتهمس برضو: سرحانة في إني اتزكرت عائلتي ولكن اتعوضت بعائلة تانية حبوني زي ما حبيتهم.
مجد باس راسها: وحيفضلو بحبوكي وحيفضلو عائلتك يا ناز.
نازلي ابتسمت ليه بحب، وقبل ما في زول يرد سمعو صوت سحر بوراهم.
سحر بتمسح دمعة وهمية: اه وتاني شنو، أثرتو بي تصدقو.
مجد ضحك وهو بضم نازلي عليه: ولقد عادت حليمة إلى ع
مجد ضحك وهو بضم نازلي عليه: ولقد عادت حليمة إلى عادتها القديمة.
سحر عاينت ليه: أنا حليمة.
مجد بضحك: لا لا أبداً.
سحر: تفو عليك، ومشت بتكبر وهمي، ومجد ونازلي ضحكو فيها.
زينة كانت بتراقب الكل بسعادة إنهم هم بخير وإنه الحادث جاء عليها هي بس، حمدت ربها إنه هي الاتأذت أكتر من ليث، وإلا كانت حتموت لو حصل ليه حاجة، مالك وليث ونور بتونس قدامها، حست بروحها تعبت، كانت عايزة تقوم بس ما قدرت، حست في شي، حاولت ديره تحرك بس ما حست برجله، كانت خاينة، حاولت مرة تانية بس ما حست برجلها خالص، زينة قلبها وقف من الرعب، ليث عاين ليها وشاف نظرات الرعب.
ليث بخوف: زينة مالك.
أما زينة ما كانت معاهم وهي بتحاول تحرك رجلها ما قدرت، ضربات قلبها عليت لمن ظهرت في الشاشة، كلهم عاينو ليها بخوف وليث بقى يحاول يهديها، مجد جراء ينادي الدكتور، الدكتور جاء جاري.
الدكتور: لوسمحتو اطلعو خلوني أفحصه.
وفعلاً طلعو كلهم بخوف، والدكتور مشى لي زينة البتعاين بدموعه وتنفس بتاعه نقص.
الدكتور: في شنو يا مدام.
حاول معاها وزينة كانت بس بتحاول تحرك رجلها لكن ما قدرت، ما كانت حاسة بيهم، الدكتور وهو شاف محاولته دي فهم ليه.
الدكتور: ما حاسة برجلك؟
زينة عاينت ليه وهزت راسها بخوف، والدكتور عاين ليها بحزن، زينة دموعه نزلت وطلعت القناع بقوة.
زينة بتحاول تتنفس وبتعاين لي الدكتور: هو هو أنا مالي يا دكتور، أنا أنا أنا ما قادرة أحس بي رجلي.
الدكتور عاين ليها بحزن، شكو جاء في مكانو، هو أصلاً عارف إنه احتمال كبير ده يحصل بسبب إصابة شديدة في الأعصاب الطرفية.
زينة عاينت ليه، ملامح الدكتور فهمت من نظرتو: هو أنا ما حقدر أمشي؟
الدكتور بحزن: اسمعي يا بتي، حتقدري إن شاء الله بس هي مسألة وقت ومحتاجة تعمل تدريبات كتيرة.
زينة عاينت ليه بصدمة وبقت تهز راسها بنفي: لا لا انت كضاااااااب، لا لا مستحييل لا يا الله.
وانهارت وبقت تصرخ صراخ جابهم كلهم الغرفة، ليث جرا ليها بسرعة وبقى يحاول يهديها بس ما قدر.
نور بخوف: ماله بتي يا دكتووور.
زينة كانت بتبكي بعنف في أحضان ليث البحاول يخليها تهدا.
الدكتور مشى جاب منوم وجاء اداها ليه، ف دقايق زينة هدت وهي بتردد كلمات ما مفهومة، بعد دقيقة نامت، الدكتور رجع الأجهزة الفكته من يدها ورجع قناع الأوكسجين.
مالك بخوف: ماله بتي يا دكتور، لي فجأة انهارت بالشكل ده.
الدكتور بحزن: ما عارف أقول ليكم شنو.
كلهم عاينو ليه بخوف شديد، ما فاهمين قاصد شنو.
الدكتور بحزن وأسف: للأسف المريضة ما حتقدر تمشي لفترة بسبب إصابة شديدة في الأعصاب الطرفية.
كلهم عاينو لي الدكتور بصدمة، نور عاينت بصدمة ولي بتها بصدمة، حست رجلها ما شايلاها وراسها بقى تقيل ووقعت تحت صراخ زين المسكه قبل ما توصل الأرض، أما مالك حسس بانكسار حس روحو بتتكسر.
أما ليث من الصدمة ما قدر يقيف، كلهم بقو مصدومين والكل ما قادر يصدق الحصل ده كله.
ود: طيب حتتعالج صح؟
الدكتور: أيوا بإذن الله بس محتاج صبر وتدريب ولازم ما تخلوها براها مع نفسياتها عشان ممكن لا قدر الله تعمل شي في روحه.
الدكتور عاين ليهم بحزن وطلع، مجد عيونو قلبت أحمرر.
مجد بغضب: والله حأقتلو، ما حخلي.
وكان داير يطلع ونازلي بقت ماسكة بخوف: مجد مجد اهدا ما كداااا، عليك الله.
مجدد ما كان شايف قدامه غير أخته، ما شايف قدامه إنه بتو وأميرتو بتدمر بسببه هو.
أما نازلي كانت ماسكة فيه بخوف من تهورو، عارفة وقت العصبية، ما بالك لو العصبية دي كانت عشان أخته الصغيرة، مجد داير يطلع ونازلي ماسكة بخوف.
مالك بهدو يقتل عليه: مجد اقعد.
مجد بدموع وهو بعاين لي أبوه: قتلوها وبضبح فيها، ديرني أخليه، أنا أختي بتموت قدامييييي وانت بتقول لي اقعد، وهو لسه حي.
نازلي حضنت وهي بتبكي بحزن، ومالك بعاين في الحيط وعيونو قلبت أحمر وعاين لي جسم نور المستقر في الكنبة ومعاها ود.
زين وليث كانو بعاينو بهدو عكس الجواهم، عكس الغصب الداخلهم، بس اتحلو بالصبر في اللحظة ديل، ما كانو ليث وزين كانو، وبطريقة مرعبة دراجون والفهد، والاتنين منتظرين بس همسة من زول عشان يقتلو.
مالك: أنا حأشوف عربية تنقل لينا زينة، وانتو كلكم أسي ما حتشعرو زينة بحاجة، أول ما تصحى نظراتكم دي حتخفوها عنها، وزينة من الليلة ما حتكون براها، يا إما معاكم يا إما مع ليث، حتى لو ديره تنوم واحد فيكم يكون معاها.
زين عاين لي أبوه وعيونو أحمر وعاين ليه أموه، وود عاينت لي نور بحزن وبقت تقيس في الضغط بتاعه، أما ليث كان بعاين لي زينة وملامحو كانت هادية بطريقة غريبة، لكن كان جواهو بموت من الوجع عشانه.
مجد كان في حضن نازلي وكان معصب، كان قاعد يشوف موت دايمون على يدو، قدر دايمون يكسرهم، نجحت خطته يكسرهم لي المرة التانية، كسرهم بيها لي المرة التانية.
نازلي عاينت ليه بخوف من عصبيته الشديدة دي، نادر ما مجد يعصب، اذوه بأخته بطريقة ما عادييية.
مالك عاين ليهم التلاتة نظرة عرفوها وطلع، والكل كان ساكت وبحاول يعرف حيحصل شنو في الأيام الجاية، لكن الكل كان متفق على حاجة إنه الأسود بعد ده حتبدأ تخلص اللعبة لأنو دايمون زودها.
كان قاعد في مكتبو وبعاين لي مساعدو الشخصي بابتسامة عريضة، وفجأة بدون شي قعد يضحك.
دايمون بخبث: مساكييين، قطعو قلبي، قولت لي بت الأسود ما بتقدر تمشي لفترة؟
كامل باحترام: أيوا.
دايمون رجع بضهرو ورا وعاين لي كامل بخبث: أوه مسكينة بت الأسود، دي انتمت لي العائلة الغلط لكن نسوي شنو، دي قسمتها في الحياة.
وضحك تحت أنظار كامل، وبعداك أشار لي كامل إنه يطلع، وفعلاً طلع.
دايمون بخبث: أوبسي، شكلي زودت اللعبة شوية.
دايمون رجع لي ورا واتزكر وقت أخذها هي وزين.
Flash back
