
عاين لي البيت الموشر ليه الزول.
الولد بخباثة: ده البيت يا دايمون، ده بيت ليث الانت عاوزو.
دايمون بخبث وضحك ضحكة: ليث الحقير باعني عشان شنو، قال هو ما دير يخش في الأعمال السيئة بتاعتي، أنا حأخليه يخشها غصب.
دايمون عاين لي الزول: ربط أهل البيت؟
الولد: أيوا وليث لسه ما رجع من الجامعة لسه.
دايمون بخبث: حلو.
وطلع من العربية وبعاين لي رجالو الواقفين ليه باحترام، دخل البيت لقاهم كلهم مربطين، عاينت ليهم بخبث وعينو وقعت عليها، كانت مدنقرة راسها.
دايمون: أوه أهل ليث المساكين.
كلهم عاينو ليه ما عدا البت.
دايمون بخبث: يا حرام على الموت مساكين والله.
آدم بخوف: انت منو وعايز شنو من أسرتي.
دايمون بخبث: للأسف أنا كنت صاحب ولدكم ليث، بس ليث قرر ما يخش معي في أعمالي، وللأسف انتو الطريقة الوحيدة الازم ليث يدفع بيها الثمن.
آدم عاين ليه بخوف وسكت، ودايمون عاين ليها بسخرية ومشى لي البت المدنقرة راسها.
دايمون: يا السمحه.
بس ما رفعت راسها، مما استفزاه، جرا البت من شعرها وانصدم من كتلة الجمال القاعدة قدامو، حقيقي كانت جميلة جمال ما عادي، وكانت عندها عيون مختلفة لدرجة تخليكي تتسحر غصب عنك، عاين ليها بصدمة وبسال نفسه هل في زول بالجمال ده.
أما ايلينا عاينت ليه بخوف من نظراتو.
ايلينا بخوف: أنا عايزة ليث.
دايمون كانو رجع للواقع وأشار لي واحد من رجالو.
دايمون: أخدو البت وركبوها في عربيتي.
آدم بخوف: خلي بتي في حاله.
دايمون ابتسم: بتك انقذها من الموت، جمالها الما عادي ده، تصدق دي أول مرة بت تلفت نظري بالطريقة دي.
ايلينا وهي بتقاوم الرجال: فكوووونييي، أنا ما عايييزه امشي معاكم.
دايمون: انتي عايزة تموتي مع أهلك، مفروض تشكري ربك إني حأنقذك.
ايلينا ببكاء: أخيير أموت ولا أنا امشي مع حقييييرر زيييييك.
دايمون عيونو حمرت من العصبية ومشى اتجاها في ثانية اداها كف خلاها تفقد توازنها وتضرب راسها بالدرابزين بتاع السلم لدرجة فتحت راسها من قوة الضربة.
دايمون لي رجالو: شيلوهاااا العربيييه حالا.
الرجال هزو راسهممم وشالوها من وسط دمها وصراخ أهلها عليها ودوها العربية، ودايمون كبا بنزين في البيت وفي أهله ليث وفتح الولاعة ورماها في البيت، في ثانية البيت ولع، ركب عربيتو وعاين لي جمال البت رغم الدم مغطي راسها بس كانت جميلة.
دايمون: ودونا المستشفى.
ومشو المستشفى ودخلوها المستشفى، الطبيب جاء طالع بحزن.
الدكتور: للأسف المريضة دخلت في غيبوبة من قوة ضرب الراس.
دايمون: عايز أطلعه من المستشفى ودير معي ممرضات.
الدكتور: بس حالته أسي خطرة.
دايمون بعصبية: أنا قولت عايز أطلعه.
الدكتور عاين ليه بخوف وهز راسه ومشى يعمل الطلبو منو.
Back
قطع تفكيرو صوت الضرب والتحرك والحراس جو داخلين.
الحارس: أستاذ دايمون، الأسود هاجموووو.
دايمون عاين لي ايلينا وأشار لي الحارس: احرق جثته أسييييييي.
الحارس عاين ليه بصدمة ودايمون ما اداه فرصة: حالا، عايييزك تتخلص لي من جثتتتته، جيب بنزيييين وتعال البيدروممم.
الحارس هز راسه ومشى، أما دايمون شال البت واتحرك على البيدروم، لكن قبل ما يوصل البيدروم جاهو واحد من رجالو.
الراجل: سيد دايمون لازم تمشي، الهليكوبتر وصلت، لازم تطلع قبل ما الأسود ينتبهو، ما في وقت.
دايمون: وأميي وين؟
الراجل: للأسف من قبيل ما لاقينها في القصر.
دايمون بسخرية: أتوقع منها شنو.
عاين ليه جثمان ايلينا واتحرك بورا الجندي لحدي ما وصلو السطوح، ركب الهليكوبتر وبدت تطير، وأثناء ما هي بتطير فجأة حسو بطلع نار بتضرب الهليكوبتر، دايمون عاين ليه تحت لقاهو دراجون القاعد بيطق في النار، دايمون قلبو وقف من الخوف وعاين لي السواق.
دايمون بصراخ: اتحرررررررررك أسي.
وبدت تتحرك ودراجون بيضرب في النار.
ليث حس إنه ما حيقدر يوقفو، طلع كاميرة المراقبة الصغيرة وبريموتها وطيره لحدي ما اتثبتت في الهليكوبتر.
ليث بغصب: الله يلعنككككككككككك.
مالك جاء جاري وعاين لي الهليكوبتر الاقلعت.
مالك بغضب: دايـــــــــمووووون.
ليث ضرب يدو في الحيط من كترة الغضب.
ليث بغضب: حقييير.
مالك: ركبت جهاز التعقب؟
ليث بغيظ: ركبتوو.
جاء مجد وزين جاريين.
مجد بغضب: هرب؟؟؟؟
مالك بغصب أكبر منو: هررب لكن بقى ما عندو رجال، بقى زي الفار، لكن لو هرب لي وييين حلقاهو الكلب ده.
مالك طلع تلفونو واتصل برقم معين: تامنو لي المطارات وشوارع الخرطوم وكل مطارات السودان، تتأكدو من المسافرين، حأرسل ليكم صورة زول، اوعكم تخلو يسافر، تفتشو المسافريييين عديل وتختو شرطة زيادة في المطارات والمواني والسفن تفتشوها، وفي طرق السودان ما عايز دايمون ده يطلع من السودان.
ليث ومجد وزين عاينو لي مالك.
ومالك من كترة الغضب رماه تلفونو في الحيط: كييييف قدر يهرب، حقيييييير.
ليث: اهدا يا مالك، زي ما قولت خلاص خسر رجالو كلهم، ما حيقدر يعمل شي وبقى مطلوب للعدالة، حتى ما حيقدر يطلع.
مالك عاين لي جثامين الرجال المرمية في الأرض بغضب وعاين لي مجد.
مالك: تابع لي جهاز التتعقب ده وشوف ماشي وين.
مجد: تمام، انت بس اهدا.
زين بتساول: أسي نرجع الخرطوم ولا نعمل شنو؟
مالك: حنرجع، أصلاً الهليكوبتر ما حتقدر تطير بيه بعييد، ليث ما قصر وضرب مكاناتها، وفالوقت داك حنعرف حيكون نزل وين.
زين وليث ومجد عاينو لي بعض وبعداك لي مالك وكلهم مغيوظين، لكن بطريقة ما دايمون شبه خسسر كل شي.
مالك اتحرك واتحركو بوراهو.
ليث بتساول: ما في زول حيشش يشوف البيت.
مالك بهدو: عمران حافتش البيت، خلونا نرجع، ومجد خليك متابع الطيارة.
مجد: تمام.
زين بتساول: وأهل ديانا؟
مالك: حنسوق أمها وخطيبها معانا.
هزو راسهم واتحركو نحو الناس.
مالك بعاين لي عمران البتكلم معاهم.
عمران: نحن الحمدلله قدرنا نطلع دايمون من هنا، ممكن ترجعو بيوتكم، ونحن حندفع أي خسائر، وبرضو حنعوضكم بمستشفيات ومدارس لي قريتكم عشان ما تحتاجو شي بإذن الله، وحنشوف ليكم قائد بيخاف ربو عليكم يقدر يكون سند ليكم ويقدر يساعدكم وقت تحتاجو.
الناس هتفت من الفرحة والكل كان فرحان بالخبر ده، جات مراة كبير من بعيد ومعاها راجل في العشرينات لي عمران.
مروه بحزن: أنا بتي مأخوذة ليها أسبوعين، ساعدني بالله عليك.
مالك من ورا: ديانا معانا.
مروه وأحمد قبلو بوراهم، مروه مشت ليه بسرعة ولهفة.
مروه بلهفة: هي كويسة، بتي كويسة.
مالك ببسمة: ما تخافي يا مدام، هي كويسة ومعانا وبصحة وعافية، ممكن أخدك ليها.
مروه بفرحة وحمدت ربها إنه ديانا كويسة: أنا عايزة أشوف بتي.
مالك: ما تخافي أسي لمي حاجاتك وجوازك وتعالي معانا حنوديكي ليها.
أحمد: أنا عايز امشي مع خالتي مروه، أنا خطيبها.
مالك ببسمة: طبعاً يا أحمد.
أحمد ببسمة: انت اتزكرتني.
مالك: طبعاً، لولاك من بعد الله ما كنا قدرنا نصل لي هنا.
أحمد ابتسم ومشى هو ومروه لي الفيلا، والناس بدت ترجع بعد ما رجال عمران شالو جثامين رجال دايمون.
مالك ببسمة وراحة: فضل نقبض على دايمون بسسس.
مجد ببسمة من ورا وبخبث: حنقبض لأنو أستاذ دايمون اتحرك على الخرطوم.
مالك بخبث أكتر منو: رجالنا إن شاء الله أديتهم يتابعو لينا.
